પાલનપુરઃ ડ્રાઇવર નીચું નમી કંઇક લેવા જતાં ST બસ ડિવાઇડર સાથે અથડાઇ

પાલનપુર હાઇવે ઉપર પિકઅપ સ્ટેન્ડ પાસે એસટીબસ ડિવાઇડર સાથે અથડાઇ હતી. ચાલુ બસે ડ્રાઇવર નીચુ નમી કંઇક લેવા જતાં અકસ્માત સર્જાયો હોવાનું એક મુસાફરે જણાવ્યું હતું. અકસ્માતમાં ડિવાઇડર પાસે બેઠેલા બે મુસાફરો ઇજાગર્સત થયા હતા. જેમને સારવાર માટે હોસ્પિટલ ખસેડવામાં આવ્યા હતા. (આનંદ જયસ્વાલ, બનાસકાંઠા)

મળતી માહિતી પ્રમાણે થરાદથી વડોદરા જતી એસટીબસ આજે સોમવારે સવારે પાલનપુરમાં પસાર થઇ રહી હતી. ત્યારે અચાનક બસ ડિવાઇડર સાથે અથડાઇ હતી.

ચાલુ બસે ડ્રાઇવર નીચુ નમી કંઇક લેવા જતા સ્ટીયરિંગ ઉપરથી કાબુ ગુમાવતા બસ ડિવાઇડર સાથે અથડાઇ હતી.

અકસ્માતના પગલે ડિવાઇડર પાસે બેઠેલા બે મુસાફરોને ઇજાઓ પહોંચી હતી. જેમને સારવાર માટે હોસ્પિટલ ખસેડવામાં આવ્યા હતા.

બસમાં આશરે 25થી 30 મુસાફરો સવાર હતા. અકસ્માતના પગલે વડોદરા, અમદાવાદ જતા મુસાફરો અટવાયા હોવાનું સુત્રો જણાવી રહ્યા છે.