અંબાજીઃ ત્રિશુળિયા ઘાટ ઉપર બ્રેક ફેઇલ થતાં STબસનો અકસ્માત, 30 મુસાફરો ઘાયલ

અંબાજી અને દાંતા વચ્ચે એસટી બસનો અકસ્માત થયાની ઘટના બની હતી. અંબાજી નજીક ત્રિશુળીયા ઘાટમાં એસટી બસની બ્રેક ફેઇલ થતાં બસ રોડની બાજુમા પહાડને અથડાઇ હતી. જેના પગલે 70 મુસાફરો પૈકી 30 મુસાફરોને નાની મોટી ઇજાઓ પહોંચી હતી. તમામ ઇજાગ્રસ્તોને દાંતાની હોસ્પિટલમાં ખસેડવામાં આવ્યા હતા. અંબાજીથી ભાભર જતી એસટી બસને આ અકસ્માત સર્જયો હતો. (મહેન્દ્ર અગ્રવાલ, અંબાજી)

મળતી માહિતી પ્રમાણે આજે શુક્રવારે બપોરાના સમયે યાત્રાધામ અંબાજીથી એસટી બસ ભાભર જઇ રહી હતી. એસટીબસ ત્રિશુળિયા ઘાટ પરથી પસાર થઇ હતી.

આ સમયે બસની બ્રેક ફેઇલ થતાં બસ ચાલકે સ્ટેયરિંગ ઉપરથી કાબુ ગુમાવ્યો હતો અને બસ રોડની બાજુના પહાડ સાથે ધડાકાભેર અથડાઇ હતી.

આ અકસ્માતમાં બસમાં સવાર 70 મુસાફરો પૈકી 30 મુસાફરોને નાની મોટી ઇજાઓ પહોંચી હતી. આ તમામ ઇજાગ્રસ્તોને સારવાર માટે દાંતાની સરકારી હોસ્પિટલમાં લઇ જવામાં આવ્યા હતા.

બીજી તરફ સદનસિબે આ ઘટનામાં કોઇ જાનહાની થઇ ન્હોતી. ઘટનાી જાણ થતાં વાહનોમાંથી લોકો મદદ માટે દોડી આવ્યા હતા.

પોલીસ અને 108ની ટીમ પણ ઘટના સ્થળે પહોંચીને લોકોની મદદે આવી પહોંચી હતી.