રાજ્યનું પ્રથમ સાયન્સ એન્ડ ટેકનોલોજી સેન્ટર પાટણમાં શરૂ: ડાયનાસોર ગેલેરી બનશે આકર્ષણ કેન્દ્ર

સંજય ટાંક, પાટણ: રાજ્યના 62માં સ્થાપના દિવસની (Gujarat foundation day) ઉજવણી પાટણમાં (Patan) કરવામાં આવી. રાજ્યનું પ્રથમ સાયન્સ એન્ડ ટેકનોલોજી સેન્ટર (Gujarat first Science and Technology center in Patan) પાટણમાં મુખ્યમંત્રી ભુપેન્દ્ર પટેલના (CM Bhupendra Patel) હસ્તે લોકાર્પણ કરાયું.

આ રિજયોનલ સાયન્સ એન્ડ ટેકનોલોજી સેન્ટરમાં ડાયનાસોર ગેલેરી આકર્ષણ કેન્દ્ર બન્યા છે. અહીં મુવીગ અને નોઈઝ કરતા ડાયનાસોર બાળકો અને પાટણના પ્રવાસે આવતા લોકોમાં ખૂબ આકર્ષણ જમાવશે.

પાટણ ઉપરાંત રાજ્યમાં સાત અન્ય રીજીયોનલ સાયન્સ સેન્ટર બનવા જઇ રહ્યા છે. આગામી પાંચ વર્ષમાં રાજ્યમાં તમામ મોટાં શહેરોમાં આઠ નવા પ્રાદેશિક સાયન્સ સેન્ટર બનશે. જે અંતર્ગત આ પ્રકારનું રાજ્યનું પ્રથમ સાયન્સ સેન્ટરનું ઉદ્ઘાટન મુખ્યમંત્રી ભુપેન્દ્ર પટેલના હસ્તે  ગુજરાતના સ્થાપના દિવસે પાટણમાં કરવામાં આવ્યું છે.

અંદાજે 85 કરોડના ખર્ચે તૈયાર થયેલા રીજીયોનલ સાયન્સ સેન્ટરમાં અલગ અલગ 5 ગેલેરી ઊભી કરવામાં આવી છે. જેમાં ડાયનાસોર ગેલેરી , ઓપ્ટિક્સ ગેલેરી, હાઇડ્રોપીનોકસ ગેલેરી, નોબલ પ્રાઈઝ ગેલેરી, હ્યુમન સાયન્સ ગેલેરી બનાવવામાં આવી છે.

વિજ્ઞાન અને ઔદ્યોગિક વિભાગના નાયબ સચિવ ગાર્ગી જૈનએ જણાવ્યું કે, આ રિજિયોનલ સાયન્સ સેન્ટરનું ડાયનાસોર ગેલેરી આગવું નજરાણું છે. રાજ્યમાં આઠ સ્થળોએ રિજનલ સાયન્સ સેન્ટર બનશે. ભુજ,ભાવનગર અને કચ્છનું સાયન્સ સેન્ટરનું 95 ટકા પૂર્ણ થયું છે. એક વર્ષમાં બાકીના તમામ સેન્ટરોનું ઉદ્ધાટન થશે. 

આ ઉપરાંત સ્થાપના દિવસ પ્રસંગે પાટણ જિલ્લાને રૂ.369 કરોડના 429 વિકાસ કામોની ભેટ મળી છે. જિલ્લાના 3.25 લાખથી વધુ લોકોને સીધો લાભ મળશે. રૂ.264 કરોડના પાણીને લગતા કામ સહિત વિવિધ કામોના ખાતમુહૂર્ત અને ઇ લોકાર્પણ કરવામાં આવ્યુ છે.

મહત્વનુ છે કે, પાટણની રણકીવાવ સુપ્રસિદ્ધ છે. એમ પાટણના પટોળા પણ અહીંની આગવી ઓળખ છે ત્યારે અહીં તૈયાર થયેલું રાજયનું પ્રથમ પ્રાદેશિક સાયન્સ એન્ડ ટેકનોલોજી સેન્ટર પાટણની ઓળખ બનવાનું છે.