તુર્કી સાયબર હેકર આર્મી દ્વારા ગાંધીનગર કોર્પોરેશનની વેબસાઈટ હેક કરીને લખ્યુ,'અમારા મિત્ર બનો, દુશ્મન ન બનો.'

ગજેન્દ્ર કલાલ, ગાંધીનગર: રાજ્યની (Gujarat) 8 મહાનગર પાલિકા પૈકીની ગાંધીનગર મહાનગરપાલિકા (Gandhinagar Mahanagarpalika website hack) જે રાજ્યના પટાનગર સાથે સંકળાયેલી છે. આ ગાંધીનગર મહાનગર પાલિકાની https://gandhinagarmunicipal.com/ નામની વેબસાઈટ છે. આજે રવિવારે બપોરના સમયે તુર્કી સાયબર આર્મી દ્વારા વેબસાઈટને હેક કરવામાં આવી હતી. જે બાદ ત્યાં લખવામાં આવ્યુ હતુ કે, "હેલો એડમિન, સિસ્ટમ હેક!".

આ વેબસાઈટ હેક કરીને તુર્કી હેકરો દ્વારા સંદેશ પણ મુકવામાં આવ્યો છે, કે અમારા મિત્ર બનો, દુશ્મન ન બનો. આ સાથે વધુ વેબસાઈટ પર લખવામાં આવ્યું છે, કે 'જુલમ સાથે આબાદ છે તે સફળ થશે.' વધુ એક સંદેશમાં લખ્યું છે કે," જે લોકો આ વિશ્વને નરક બનાવે છે, એટલે અમે આ વિશ્વને સંકુચીત બનાવી શકીએ છીએ"

તમને જણાવી દઈએ કે, AYYILDIZ TiM સાયબર આર્મી ગૃપ તુર્કી દેશથી ચાલે છે. આ સાયબર હેકર ગૃપ દ્વારા પહેલા પણ દેશમાં ઘણી વેબસાઈટો તથા સોશ્યિલ એકાઉંટ હેક થયા છે.

ગુજરાતમાં તુર્કી સાયબર આર્મી દ્વારા પ્રાથમિક જાણકારીમાં પ્રથમ વાર વેબસાઈટ હેક થઈ હોવાનું સામે આવ્યું છે. નોંધનીય છે કે, ગાંધીનગર મહાનગર પાલિકામાં ગત મહિને જ તમામ 44 બેઠકો પર ચુંટણી યોજવામાં આવી હતી જેમાં આ વખતે ભાજપે જીત હાંસીલ કરી હતી.