હવામાન વિભાગની આગાહી, રાજ્યમાં ત્રણ દિવસ ઠંડીનું જોર વધશે

રાજ્યમાં બે-ત્રણ દિવસ ટંડીમાં થોડી રાહત જોવ મળી રહી હતી, પરંતુ હવામાન વિભાગે આગાહી આપી છે કે, ત્રણ ચાર દિવસ ફરી ઠંડૂનું જોર વધશે.

પ્રાપ્ત માહિતી અનુસાર, વેસ્ટર્ન ડિસ્ટર્બન્સ અને અપર એર સાયક્લોનિક સરક્યુલેશન બંને સક્રિય સક્રિય થયા છે. જેના કારણે ઉતર ભારતમાં વરસાદ પડ્યો છે, અને ઠંડીનુ પ્રમાણ વધ્યુ છે. જો કે વેસ્ટર્ન ડિસ્ટર્બન્સ અને અપર એર સાયક્લોનિક સરક્યુલેશનના કારણે ગુજરાતના વાતાવરણમાં પલટો આવ્યો છે.

ગુજરાતમાં કમોસમી વરસાદના કારણે શિયાળુ પાકને નુકસાન થયુ છે. ત્યારે હવામાન વિભાગનુ કહેવું છે કે વેસ્ટર્ન ડિસ્ટર્બન્સ અને અપર એર સાયક્લોનિક સરક્યુલેશન સક્રિય હોવાના કારણે ગુજરાતમાં વાદળ છાયુ વાતાવરણ રહેશે.

હવામાન વિભાગે જણાવ્યું છે કે, આગામી ત્રણ દિવસ ઠંડીનુ જોર વધશે. ગુજરાતમાં લઘુતમ અને મહત્તમ તાપમાનમાં 2 થી 3 ડિગ્રી તાપમાન ઘટશે. જેના કારણે આગામી ત્રણ દિવસ ફરી ઠંડીનો અહેસાસ થશે.