અમદાવાદમાં ટ્રમ્પના 22 કિ.મી. લાંબા રોડ શોમાં 'ધ બીસ્ટ'ની સાથે હશે આ ગાડીઓનો કાફલો

અમદાવાદ : અમેરિકાના રાષ્ટ્રપતિની સુરક્ષા (American Presidents Security) દુનિયામાં સૌથી વધુ મજબૂત માનવામાં આવે છે. તેઓ જે દેશનો પ્રવાસ કરે છે, ત્યાં તેમની પોતાની સુરક્ષા અને કાફલો હોય છે. આવો સમજીએ કે ડોનાલ્ડ ટ્રમ્પ (Donald Trump)ની સિક્યુરિટી અને તેમની સ્પેશલ કાર વિશે ખાસ વાતો...

24 ફેબ્રુઆરીએ અમદાવાદ એરપોર્ટ (Ahmedabad Airport)થી મોટેરા સ્ટેડિયમ (Motera Stadium) દરમિયાન ડોનાલ્ડ ટ્રમ્પનો 22 કિલોમીટર લાંબો રોડ શૉ યોજાવાનો છે. આ રોડ શૉ દરમિયાન રસ્તા પર પસાર થતી વખતે અમેરિકાના રાષ્ટ્રપતિના કાફલામાં પોલીસ, સીક્રેટ એજન્ટ્સ, ઍમ્બ્યુલન્સ અને તેમના અન્યા સાથીઓની પણ ગાડીઓ હોય છે. આ ઉપરાંત બેકઅપ માટે ધ બીસ્ટ જેવી વધુ એક લિમોજિન સાથે ચાલે છે.

ટ્રમ્પના કાફલામાં 24થી 45 વાહન સામેલ હોય છે. એક બેકઅપ માટે સ્પેશલ કોમ્યુનિકેશનથી સજ્જ લિમોજિન પણ હોય છે. અમદાવાદમાં યોજાનારા રોડ શૉ દરમિયાન અમદાવાદીઓ પ્રત્યક્ષ રીતે ટ્રમ્પની સુરક્ષા વ્યવસ્થા અને તેમના હાઇપ્રોફાઇલ કાફલાને જોઈ શકશે. કોઈ અમેરિકાના રાષ્ટ્રપતિ દ્વારા અમદાવાદમાં આ રીતે રોડ શૉ યોજવાનો આ પહેલો પ્રસંગ છે.

અમેરિકાના રાષ્ટ્રપતિની કારને સામાન્ય રીતે 'ધ બીસ્ટ' (The Beast) કહેવામાં આવે છે. જ્યારે તેન અન્ય બીજા નામ પણ છે. આ કાર કોઈ આશ્ચર્યથી ઓછી નથી. તેમાં એક-એકથી ચઢિયાતા ફીચર્સ છે. અમદાવાદીઓને આ બીસ્ટ કાર જોવાની તક મળશે.

ધ બીસ્ટ જ્યારે જૂની થઈ જાય છે તો તેને સીક્રેટ સર્વિસ એજન્ટ્સની દેખરેખમાં જ નષ્ટ કરી દેવામાં આવે છે.