પૂર્વ અમદાવાદમાં પોલીસની ટ્રાફિક ડ્રાઇવ, આશરે 300 જેટલી પોલીસ રસ્તા પર ઉતરી

અમદાવાદ શહેરમાં ટ્રાફિક પોલીસે ફરી ટ્રાફિક ડ્રાઇવ શરૂ કરી છે. આજે ગુરુવારે પોલીસે અમદાવાદના પૂર્વ વિસ્તારમાં ટ્રાફિક ડ્રાઇવ શરૂ કરી છે. પોલીસ રસ્તા ઉપર ઉતરીને શહેરીજનોને ટ્રાફિક અંગે ભાન કરાવી રહી છે. મળતી માહિતી પ્રમાણે પોલીસ ડ્રાફિકના નિયમો તોડનાર વાહન ચાલકો પાસેથી દંડ વસુલી રહી છે. મોટી સંખ્યામાં પોલીસ ટ્રાફિક ડ્રાઇવમાં જોડાયા છે. (ઋત્વિજ સોની, અમદાવાદ)

મળતી માહિતી પ્રમાણે અમદાવાદના પૂર્વ વિસ્તારમાં ખોખરા બ્રિજથી CTM ચાર રસ્તા સુધી ટ્રાફિક ડ્રાઇવ યોજાઇ છે.

ટ્રાફિક ડ્રાઇવમાં આશરે 250થી 300 જેટલા પોલીસ કર્મચારીઓ પણ જોડાયા છે. આ ઉપરાંત 4 SP અને DSP કક્ષાના અધિકારીઓ પણ ટ્રાફિક ડ્રાઇવમાં જોડાયા છે

સુત્રોના જણાવ્યા પ્રમાણે ટ્રાફિક પોલીસ હેલ્મેટ વગરના બાઇક ચાલકો અને સિટબેલ્ટ ન લગાવેલા કાર ચાલકો સહિત ત્રિપલ સવારીવાળા ચાલકોને દંડ ફટકારી રહી છે.

સાથે સાથે પોલીસના જણાવ્યા પ્રમાણે રસ્તા ઉપર આડેધડ પાર્ક થયેલા વાહનોને જપ્ત કરવામાં આવશે.

મળતી માહિતી પ્રમાણે આશરે 300 જેટલા પોલીસ કર્મચારીઓ ટ્રાફિક ડ્રાઇવમાં જોડાયો હોવાથી આજે સવારથી જ રોડ ઉપર પોલીસ જ પોલીસ દેખાઇ રહી છે. રોડ જાણે પોલીસ છાવણીને ફેરવાયો હોય એવા દ્રશ્યો સર્જાયા હતા.