હવામાન વિભાગ આગાહીની સાથે વરસાદથી શું અસર થશે તેનું પૂર્વાનુમાન જાહેર કરશે

હવામાન વિભાગ દ્વારા ત્રણેય ઋતુમા રોજે રોજ વાતાવરણ કેવું રહેશે તેની આગાહી કરે છે. ચોમાસાની સિઝનમાં તો ખાસ ભારે કે અતિભારે વરસાદની આગાહી કરે છે. તો અતિભારે વરસાદ પડશે તો શું નુકસાન થશે. તેનું પણ પુર્વાનુમાન જાહેર કરશે. (વિભુ પટેલ, અમદાવાદ)

હવામાન વિભાગના ડાયરેકટર ડૉકટર જયંત સરકારે ન્યૂઝ18 ગુજરાતી સાથે વાત કરતા જણાવ્યું છે કે આજથી ઈમ્પેકટ બેજ ફોરકાસ્ટ આપવાનું શરુ કર્યુ છે. સૌરાષ્ટ્ર અને દક્ષિણ ગુજરાતના નવસારી, વલસાડ, દમન,દાદરા નગર હવેલી, સુરત, જૂનાગઢ, ગીર સોમનાથમાં અતિભારે વરસાદ થશે. આ તમામ જિલ્લામા રેડ એલર્ટ આપ્યું છે.

અતિભારે વરસાદના કારણે આ તમામ જિલ્લામા પાણી ભરાય જશે. રોડ રસ્તાઓ તૂટે છે. કાચા મકાન પડી જશે. શહેરી વિસ્તારમા ટ્રાફિકની સમસ્યા થશે. તેમજ અંડર પાસમાં પાણી ભરાશે. વાતાવરણ ધૂંઘળુ બનવાના કારણે વાહન ચાલકોને મુશ્કેલી પડશે.

મહત્વપૂર્ણ છે કે ગુજરાતમાં 103 ટકા વરસાદ નોંધાયો છે. હજી પણ આગામી પાંચ દિવસ ભારેથી અતિભારે વરસાદ થશે. 48 કલાક દરમિયાન સૌરાષ્ટ્ર અને દક્ષિણ ગુજરાતમાં અતિભારે વરસાદ થશે.

જેના કારણે રેડ એલર્ટ આપવામાં આવ્યું છે. તેમજ દરિયામાં મોજાની તિવ્રતા વધવાના કારણે માછીમારોને દરિયો ન ખેડવા સુચના આપવામાં આવી છે.