એક ફોન કોલથી થઇ જશે તમારૂ બેંક એકાઉન્ટ ખાલી, આ રીતે બચો..

ફર્જીવાડા કરનારા લોકો પોતાને બેંકના કર્મચારી કે સરકારી કર્મચારી હોવાનું કહે છે અને કોઇને કોઇ બહાનું બતાવી ગ્રાહક પાસેથી અંગત જાણકારીઓ મેળવવાનો પ્રયાસ કરે છે. જાણકારી મળવાની સાથે તેઓ બોગસ રીતે લેણદેણ કરે છે અને ગણત્રીની મિનિટોમાં જ બેંક એકાઉન્ટમાંથી મોટી રકમની તફડંચી કરે છે. આવી ઠગાઇથી બચવા માટે શું સાવધાની રાખવી? જાણો

બેંક હંમેશા પોતાના ગ્રાહકોને ફિશિંગ અને વિશિંગથી સાવધાન રહેવા માટે કહે છે. ફિશિંગનો મતલબ છે કે SMS કે ઇમેલથી લોકોને લલચાવીને એમના દ્વારા જાણકારી મેળવવી. વિશિંગનો અર્થ છે કે ખોટા ફોન કોલથી ફસાવીને ગ્રાહકોની અંગત વિગતો મેળવવી.

કોઇ અજાણ્યા વ્યક્તિ કે ફોન પર કોઇને પણ તમારા બેંક અકાઉન્ટ, ક્રેડિટ કાર્ડ કે ડેબિટ કાર્ડની વિગતો આપવી નહી.

અજાણ્યા વ્યક્તિઓ દ્વારા આપની વિગતો મેળવીને નેટ બેંકિંગ કે અન્ય દ્વારા ઠગાઇ કરવામાં આવે છે અને ગણત્રીની મિનિટોમાં તમારા બેંક એકાઉન્ટને સાફ કરી દેવામાં આવે છે.