500મી ટેસ્ટ: અશ્વિન-જાડેજા જ નહીં, આ પણ છે ભારતની ઐતિહાસિક જીતના હીરો

કાનપુર ખાતે રમાયેલી 500મી ઐતિહાસિક ટેસ્ટ મેચમાં જીત મેળવી ભારતે ખુશી બેવડાવી છે. ઐતિહાસિક જીત સાથે ભારતીય ટીમે ન્યૂઝીલેન્ડની સાથોસાથ પાકિસ્તાનને પણ પછાડ્યું છે. ત્રણ મેચની સીરીઝમાં ભારત ન્યૂઝીલેન્ડ કરતાં 1-0થી આગળ નીકળ્યું છે તો પાકિસ્તાન પાસેથી ટેસ્ટ રેન્કિંગમાં ટોપનું સ્થાન છીનવી લીધું છે. આ ઐતિહાસિક જીતમાં મેન ઓફ ધ મેચ રવિન્દ્ર જાડેજા અને આર અશ્વિનની સાથે અન્ય ખેલાડીઓનું પણ પ્રદર્શન પણ જીત માટે મહત્વનું રહ્યું. આવો જાણીએ...

ભારતની ઐતિહાસિક જીતની સાથોસાથ અશ્વિને પણ ઐતિહાસિક રેકોર્ડ બનાવ્યો છે. ઓછી મેચમાં 200 વિકેટ લેવાનો રેકોર્ડ બનાવ્યો છે. માત્ર 37 મેચમાં આ રેકોર્ડ બનાવતાં તે વિશ્વનો બીજો બોલર બન્યો છે.

મુરલી વિજયે આ પણ મેચ જીતવામાં મહત્વનું યોગદાન આપ્યું છે. બે દાવમાં બે અર્ધ સદી ફટકારી છે. બંને દાવમાં થઇ મુરલીએ 141 રન ફટકાર્યા હતા.

ચેતેશ્વર પુજારાએ પણ બે અર્ધ સદી ફટકારી છે. બંને ઇનિંગમાં સારી બેટીંગ કરતાં 140 રન ફટકાર્યા હતા.

રોહિત શર્માએ એક અર્ધ સદી ફટકારી હતી અને બે ઇનિંગમાં થઇને કુલ 103 રન કર્યા હતા.