વડોદરામાં મેઘ કહેર : 24 કલાકમાં 20 ઇંચ , 6નાં મોત, શાળા-કોલેજો બંધ

વડોદરામાં ભારે વરસાદના પગલે શહેર હાઇ અલર્ટ પર છે. છેલ્લા 24 કલાકમાં વરસેલા અનારાધાર વરસાદના પગલે 18 ઇંચ વરસાદ વરસ્યો છે. વડોદરામાં છેલ્લા 35 વર્ષનો રેકોર્ડ તૂટ્યો છે. આખી સિઝનનો વરસાદ એક જ દિવસમાં પડ્યો છે. વરસાદના કારણે 6નાં મોત થયા છે, જ્યારે 350 લોકોનું સ્થળાંતર થયું છે.

વડોદરા શહેરના એક લાખ ઘરોમાં વીજ પુરવઠો ઠપ્પ થઈ ગયો છે. લોકોને જીવન જરૂરિયાતની ચીજો લેવા માટે હાલાકી પડી રહી છે.

શહેરમાં સ્થિતિ વલણસતા આર્મીની બે ટૂકડીઓ ખડકી દેવામાં આવી છે. આજવા સરોવરની સપાટી 211.20 ફૂટે પહોંચી છે.

વડોદરા શહેરમાં રેલ-હવાઇ સેવાને માઠી અસર પહોંચી છે. વડોદરાની સ્થિતી વિશે માહિતી આપતા ગઈકાલે સાંજે મુખ્ય મંત્રી વિજય રૂપાણીએ જણાવ્યું હતું કે વડોદરામાં પાણી કાઢવા માટે 400 પમ્પ મૂકાશે. કોર્પોરેશન અને કલેક્ટરનો કંટ્રોલ રૂમ શરૂ છે. એરફોર્સની ટીમ પણ કાર્યરત છે.

શહેરના રાવપુરા વિસ્તારમાંઆવેલા મુખ્ય એમજી માર્ગ પર મંગળવારે કમરસમા પાણી ભરાઈ ગયા હતા.

શહેરને બે ભાગથી જોડતો વિશ્વામિત્રી નદી પરનો કાલાઘોડા બ્રિજ હજુ પણ બંધ છે. ગઈકાલે અમદાવાથી વડોદરા જતી અને મુંબઈથી અમદાવાદ આવતી ટ્રેનોને મોકુફ કરવાની ફરજ પડી હતી.