ગુજરાતીઓને મળશે રાહત! આગામી ચાર દિવસ ગરમીમાં થશે આંશિક ઘટાડો

અમદાવાદ: રાજ્યભરમાં (Gujarat weather update) છેલ્લા થોડા દિવસથી કાળઝાળ ગરમીથી (Gujarat Summer) લોકો ત્રાસી રહ્યા છે. ત્યારે સપ્તાહની સરખામણીએ બે દિવસથી ગરમીમાં સામાન્ય ઘટાડો નોંધાયો છે. હવામાન વિભાગની આગાહી પ્રમાણે, આગામી 4થી 5 દિવસ રાજ્યમાં (Gujarat) ગરમીમાં વધારો થવાની સંભાવના નહિવત્ છે. હવામાન વિભાગની આગાહી પ્રમાણે, ઉત્તર ગુજરાત, સૌરાષ્ટ્ર-કચ્છમાં ગરમી યથાવત રહે તેવી શક્યતા વ્યક્ત કરવામાં આવી છે. આ સાથે અમદાવાદ, વડોદરા, આણંદ અને દક્ષિણ ગુજરાત જેવા વિસ્તારોમાં ચાર દિવસ પૂરતી હિટવેવમાંથી રાહત મળે તેવું અનુમાન છે.

રવિવારે દિવસ દરમિયાન રાજ્યના મોટાભાગના શહેરમાં મહત્તમ તાપમાનનો પારો 40 ડિગ્રીથી નીચે રહ્યો હતો. જેમાં રાજકોટ 39.5 ડિગ્રી સાથે સૌથી ગરમ રહ્યુ હતુ. રાજકોટમાં સરેરાશ મહત્તમ તાપમાનમાં સામાન્ય કરતાં 3 ડિગ્રીનો વધારો થયો હતો. અમદાવાદની ગરમીની વાત કરીએ તો 38.7 ડિગ્રી નોંધાયુ હતુ. શહેરમાં સરેરાશ મહત્તમ તાપમાનમાં સામાન્ય કરતાં બે ડિગ્રીનો વધારો નોંધાયો હતો.

હવામાન વિભાગની આગાહી પ્રમાણે, ત્રણ દિવસ અમદાવાદમાં 39 ડિગ્રીની આસપાસ તાપમાન રહેવાની શક્યતા છે. ઉત્તર ગુજરાત, સૌરાષ્ટ્ર-કચ્છમાં ગરમી યથાવત રહે તેવી શક્યતા વ્યક્ત કરવામાં આવી છે.

આ સાથે અમદાવાદ, વડોદરા, આણંદ અને દક્ષિણ ગુજરાત જેવા વિસ્તારોમાં ચાર દિવસ પૂરતી હિટવેવમાંથી રાહત મળે તેવી શક્યતા છે. રાજ્યમાંથી અન્યત્ર ભૂજમાં 39, પાટણમાં 38.8, ગાંધીનગરમાં 38.4, વડોદરા-જુનાગઢમાં 37.6, ભાવનગરમાં 36.5, સુરતમાં 36.2 કંડલામાં 35.3, નલિયામાં 33.6, દમણમાં 31.8 ડિગ્રી સરેરાશ મહત્તમ તાપમાન નોંધાયું હતું.

ઇમરજન્સી સેવા 108ના જણાવ્યા પ્રમાણે, તારીખ 12 માર્ચથી તારીખ 18 માર્ચ સુધીના અઠવાડિયામાં અમદાવાદમાં પેટના દુખાવાના 344 કેસ અને રાજ્યમાં 1326 કેસ નોંધાયા હતા. જે ગત ફેબ્રુઆરી માસના છેલ્લા અઠવાડિયાની તુલનામાં 20.66 ટકા વધુ કેસ છે.

વધતી ગરમીના કારણે રોજબરોજની લાઇફસ્ટાઇલમાં થોડો સુધારો કરવાની જરૂર છે. દિવસ દરમિયાન હિટવેવથી બચવા માટે, વધારે પાણી પીવું, બપોરે ઘરની બહાર ન નીકળવું, બહારનો નાસ્તો ન કરવો, પ્રમાણસર જમવું, બપોરે મજૂરી કામ ન કરવું, હાઇવે પર વાહન ન હંકારવા સહિતની તકેદારી રાખવી.