રાજયમાં 62.60 ટકા વરસાદ, 37 જળાશયો 50 ટકા ભરાયાં

રાજ્યમાં 6 ઓગસ્ટના રોજ સવારે ૮.૦૦ કલાકની સ્થિતિએ સરેરાશ 62.60 ટકા વરસાદ વરસ્યો છે. જેના કારણે રાજ્યના કુલ 204જળાશયોમાંથી 37 જળાશયો 25 થી 50 ટકા વચ્ચે ભરાયા છે.

9 જળાશયો છલકાયા છે. 8જળાશયો 70થી 100 ટકા તેમજ 18 જળાશયો 50 થી 70 ટકા વચ્ચે ભરાયા છે. સરદાર સરોવર જળાશય કુલ સંગ્રહશક્તિના 66.77 ટકા ભરાયું છે. અત્યારસુધીમાં રાજયમાં દક્ષિણ ગુજરાતમાં સૌથી વધુ 89. 39 ટકા વરસાદ થયો છે.

રાજ્યમાં હાલમાં 1,000 ક્યુસેક તથા તેથી વધુ પાણીની આવક ધરાવતા જળાશયોમાં સરદાર સરોવરમાં 1,16,398, ઉકાઇમાં 98,098,દમણગંગામાં 41,918, કડાણામાં 18, 055, કરજણમાં 15, 866, સુખીમાં 7 798 પાનમમાં 2,862, ડોસવાડામાં 2,108 ઝૂજમાં 1, 915, કેલિયામાં 1, 718 અને વાણાકબોરીમાં 1,100 ક્યુસેકનો સમાવેશ થાય છે.