લો બોલો! અમદાવાદમાં વિદેશી કૂતરું ચોરાયું, FIR નોંધાઇ

સામાન્ય રીતે કોઈ પણ જગ્યાએ ચોરી થાય ત્યારે પોલીસ ડોગની મદદ લેતી હોય છે પરંતુ અમદાવાદમાં એક ડોગની ચોરીનો બનાવ સામે આવ્યો છે. અમદાવાદના ખોખરા વિસ્તારમાં આવેલ વ્રજ ભુમિ સોસાયટીમાં વિદેશી બ્રીડના ડોગની ચોરી થતા પોલીસ ફરિયાદ કરવામાં આવી છે. નોંધનીય છે કે ચોરીની ઘટનાના સીસીટીવી ફુટેજ પણ સામે આવ્યા છે જેમાં બે શખ્સો ડોગ લઈ ફરાર થઈ રહ્યા છે. (નવીન ઝા, અમદાવાદ)

હાલ પોલીસે ફરિયાદ દાખલ કરી તપાસ શરુ કરી છે. સીસીટીવી ના આ ફુટેજ બે શખ્સો એકટિવા પર બેઠા છે અને જે બન્ને શખ્સો કોઈ કામ માટે નહી પરંતુ ચોરીના ઈરાદે બેઠા હતા.

મહત્વનું છે કે આ લોકો કોઈ માલ-સમાન કે પછી રુપિયાની ચોરી કરવા નથી. આવ્યા પરંતુ આ લોકો અહીંયા એક ડોગની ચોરી કરવા આવ્યા હતા અને ડોગની ચોરી કરી ફરાર થઈ જાય છે.

ડોગના માલિક આકાશ ભાઈએ આ મામલે ખોખરા પોલીસ સ્ટેશનમાં ફરિયાદ પણ દાખલ કરાઈ છે.

બુધવારે આ બે શખ્સો ગ્રેટ ડન વિદેશી બ્રીડના ડોગની ચોરી કરી ફરાર થઈ જાય છે. આ ઘટનાની જાણ ડોગના માલિકને થાય છે ત્યારે માલિકે આ મામલે પોલીસમાં ફરિયાદ દાખલ કરાવી છે.

ડોગના માલિકનુ કહેવુ છે કે આ ડોગ 25000 માં બે વર્ષ પહેલી ખરીદી કરી હતી..ત્યારે સવાલ એ ઉભો થાય છે કે આ ડોગ ચોરી પાછળનુ કારણ શુ હોઈ શકે છે તે તપાસનો વિષય છે.