સીએમ રૂપાણીએ ટોપી પહેરી ચગાવ્યો પતંગ, અંજલીબેને પકડી ફીરકી

આજે સમગ્ર ગુજરાતમાં ઉત્તરાયણનાં એટલે કે મકરસંક્રાતિનાં પર્વની ધામધૂમથી ઉજવણી થઇ રહી છે. ત્યારે સીએમ વિજય રૂપાણીએ ખાડિયામાં ભૂષણ ભટ્ટનાં ઘરે પતંગ ચગાવ્યો હતો. મુખ્યમંત્રી વિજય રૂપાણી સાથે આ ઉજવણીમાં પત્ની અંજલીબેન રૂપાણી , મેયર બિજલ પટેલ અને ભાજપનાં અનેક કાર્યકર્તાઓ પણ હાજર રહ્યાં હતાં.

આજે સીએમ વિજય રૂપાણીએ અને તેમનાં પત્ની અંજલી રૂપાણીએ અમદાવાદનાં ખાડીયા વિસ્તારમાં પતંગ ચગાવીને ઉત્તરાયણની ઉજવણી કરી હતી. અંજલીબેને સીએમની ફીરકી પકડી હતી. તેઓ પતંગ રસિયાઓનો ઉત્સાહ વધારવા ખાડીયા વિસ્તારમાં પહોંચી ગયાં હતાં.

ખાડિયાની આ ઉજવણીમાં વિદેશનાં ખાસ મહેમાનો પણ હાજર રહ્યાં હતાં. તેમણે પણ અમદાવાદનાં પતંગોત્સવની મઝા માણી હતી.

સીએમ આવવાનાં કારણે તે વિસ્તારમાં પોલીસનો ચુસ્ત બંદોબસ્ત ગોઢવવામાં આવ્યો હતો.

સીએમ રૂપાણીએ પતંગનો પેચ પણ કર્યો હતો.

નોંધનીય છે કે ગયા વર્ષે પણ તેઓએ ખાડિયામાં ભૂષણ ભટ્ટનાં ઘરે જ પતંગોત્સવ ઉજવ્યો હતો.

ગયા વર્ષે તેમની સાથે પત્ની અને અભિનેતા મનીશ જોષી હાજર રહ્યાં હતાં.

સીએમનાં આવવાને કારણે આસપાસનાં પતંગરસિયાઓનો ઉત્સાહ વધી ગયો હતો.

સીએમ રૂપાણીએ પતંગ ચગાવી ઉત્સાહ વધાર્યો હતો.