અમદાવાદ: કારે ટુ-વ્હીલરને પાછળથી મારી ટક્કર, દંપતી બ્રિજ પરથી નીચે પડ્યું, મોત

અમદાવાદઃ શહેરમાં (Ahmedabad accident) ગોઝારો અકસ્માત સર્જાયો છે, જેમાં દંપતીનું (couple death) મોત નીપજ્યુ છે. શહેરમાં બેકાબૂ કારે ટુ-વ્હીલરને (car two wheeler accident) અડફેટે લેતા એક દંપતીનું મોત થયું હતું. મળતી જાણકારી પ્રમાણે, શહેરના સોલા ભાગવત પુલ પર ભયાનક અકસ્માત સર્જાયો હતો. પુલ પર બેકાબુ કારે ટુ વ્હિલરને અડફેટે લીધી હતી. ટુ વ્હિલરને પાછળથી ટક્કર લાગતા વાહન પર સવાર દંપતી પુલ પરથી નીચે પટકાયા હતા.

આ ગોઝારા અકસ્માતમાં પતિ પત્નીનું મોત થયું છે. તો અકસ્માત બાદ કાર ચાલક કાર મુકી ફરાર થઇ ગયો હતો. હાલ કારના નંબર અને સીસીટીવી ફૂટેજની મદદથી કારના ચાલકને શોધવાનો પ્રયાસ કરવામાં આવી છે. ઘટનાની જાણ થતા, પોલીસની ટીમ ઘટના સ્થળે પહોંચી હતી અને તપાસ હાથ ધરી હતી.

અકસ્માતમાં પ્રાથમિક માહિતી પ્રમાણે મૃતકનું નામ દ્રારકેશભાઈ અને જુલીબેન હોવાની માહિતી મળી છે. આ દંપતી ચાંદખેડા વિસ્તારના રહેવાસી હોવાનું જાણવા મળ્યું છે.

શહેરમાં ચાર દિવસ પહેલા પણ આવો જ ગોઝારો અકસ્માત સર્જાયો હતો. જેમાં એસટી બસ ડ્રાઈવરે એક્ટિવા પર જઈ રહેલાં એક દંપતીને અડફેટે લીધું હતું. જેમાં મહિલાનું ઘટનાસ્થળે જ મોત નીપજ્યું હતું. આ અકસ્માતના CCTV ફૂટેજ પણ સામે આવ્યા હતા.

અમદાવાદના સોલા વિસ્તારમાં રહેતાં મનુભાઈ પટેલ અને તેમનાં પત્ની વીણાબેન એક્ટિવા પર લાલદરવાદજા દર્શન કરવા જતાં હતાં. આ દરમિયાન તેઓ નેહરુબ્રિજથી લાલદરવાજા તરફ જઈ રહ્યાં હતાં. ત્યાં પૂરઝડપે આવી રહેલી એસટીએ તેમના એક્ટિવાને અડફેટે લીધું હતું. જેથી દંપતી નીચે પડી ગયું હતું .એસટીનું ટાયર વીણાબેન પર ફરી વળતાં તેમનું ઘટનાસ્થળે જ મોત નીપજ્યું હતું.

અકસ્માત બાદ રસ્તા પર લોકોના ટોળેટોળા ભેગા થઇ ગયા હતા. આ દંપતીને માથાના તથા શરીરના અન્ય ભાગોમાં ભારે ઇજા થઇ હતી જેના કારણે તેમના મોત નીપજ્યા છે.