અમદાવાદ : સામાજીક કાર્યકર્તાની હત્યાના વિરોધમાં જમાલપુરમાં કેન્ડલ માર્ચ યોજાઈ

જમાલપુર ખાતે રિયાઝુદ્દીનની હત્યાના વિરોધમાં આજે કેન્ડલ માર્ચ યોજાઈ હતી. જેમાં હજારોની સંખ્યામાં લોકો હાજર રહ્યા હતા. તેઓએ આરોપીઓ ને ફાંસીની સજાની માગણી સાથે બેનરો લઈ વિરોધ નોંધાવ્યો હતો. (ભાવિક આચાર્ય, અમદાવાદ )

હાલના સમયમાં દિવસે ને દિવસે કાનૂન વ્યવસ્થા નબળી પડતી જઈ રહી હોય તેમ દેખાઈ રહ્યું છે. સૂત્રોના જણાવ્યા અનુસાર આરોપીઓ તે સમયે નશો કરેલી હાલતમાં હતા. આજે પણ જમાલપુર ખાતે બેફામ ને બે રોકટોક ઠેર ઠેર આવા નશો થતા જોવા મળે છે.

સ્થાનિક રહીશ શોકત હુસેન મલેકે જણાવ્યુ હતું કે ખાન સાયકલ ગેંગ વર્ષોથી જમાલપુર વિસ્તારમાં વગ ધરાવે છે તેની ગેંગના લોકો રાજકીય વગ અને પૈસાના જોરે વારંવાર હત્યા અને મારામારી જેવા ગુનાઓ કરે છે અને છુટી જાય છે. છોકરીઓનુ બહાર નીકળવાનુ પણ બંધ કરાવુ પડે છે. જો આ બંધ નહી થાય તો સ્થાનિક રહીશો ઉગ્ર આંદોલન કરશે.

છેલ્લા ત્રણ વર્ષમાં જમાલપુર દરવાજે પાસે આવેલા વિસ્તારોમાં જ અત્યાર સુધીનો આ ચોથી હત્યાનો બનાવ છે.

જમાલપુર ખાતે રિયાઝુદ્દીનની હત્યાના વિરોધમાં આજે કેન્ડલ માર્ચ યોજાઈ હતી