જયપુરમાં એસીમાં થયો વિસ્ફોટ, PHOTOS જોઇ તમે પણ હચમચી જશો

રાજસ્થાનની રાજધાની જયપુરમાં મંગળવાર બપોરે તખ્તેશાહી રોડ પર એક એપાર્ટમેન્ટમાં એસીમાં થયેલા વિસ્ફોટમાં એક કારીગરનું મોત થયું. આ દુર્ઘટના બપોરે મોતી ડૂંગરી વિસ્તારના એક એપાર્ટમેન્ટમાં થઇ કે જ્યારે એક કારીગર એને રીપેર કરી રહ્યો હતો. એસી સમારકામ કરતાં એર કન્ડીશનર કોમ્પ્રેસર પાઇપમાં અચાનક જોરદાર વિસ્ફોટ થયો હતો. આ વિસ્ફોટ સાથે જ કારીગરનું કરૂણ મોત થયું હતું. જાણકારી મુજબ મૃતક કારીગર મહારાષ્ટ્રના રહેવાસી 31 વર્ષિય વસંત વલીરામ હોવાનું સામે આવ્યું છે. (ફોટો-રવિશંકર વ્યાસ)

આ દુર્ઘટનામાં કારીગરનો એક સાથી સામાન લેવા માટે બહાર ગયો હતો ત્યારે આ વિસ્ફોટ થતાં સદનસીબે એનો જીવ બચી જવા પામ્યો છે.

પોલીસના જણાવ્યા અનુસાર એસી રિપેરીંગ દરમિયાન આ વિસ્ફોટ થયો હતો. આ ફ્લેટ અનિલ અગ્રવાલનો હતો જ્યાં સમારકામ ચાલી રહ્યું હતું.

અગ્રવાલ પરિવાર અહીં ભાડેથી રહે છે. પોલીસે જણાવ્યું કે એસીમાં ખરાબી થતાં કારીગર અહીં રિપેરીંગ માટે આવ્યા હતા.

એસીમાં થયેલો વિસ્ફોટ એટલો બધો જોરદાર હતો કે એસીનો ફુરચેફુરચા ઉડી ગયા તેમજ સમારકામ કરી રહેલ કારીગર દિવાલમાં ધસી ગયો હતો. ઘરની બારી બારણા પણ તૂટી ગયા હતા.