આસારામ, રામરહીમ, ઇમરાન ખાન BJPમાં જોડાયા? તસવીરો વાયરલ

નવીન ઝા, અમદાવાદ : અમદાવાદ ક્રાઇમ બ્રાંચમાં એક વિચિત્ર ફરિયાદ નોંધાઇ છે. જેમાં વિવાદીત આસારામ, ગુરમીત રામરહીમસિંગ અને પાકિસ્તાનનાં વડાપ્રધાન ઇમરાન ખાનનાં બીજેપીનાં સભ્યપદનું બોગસ કાર્ડ બનાવીને સોશિયલ મીડિયામાં મુક્યાં છે. આ મામલે પોલીસે ફરિયાદ નોંધીને તપાસ હાથ ધરી છે. મહત્વનું છે કે હાલ બીજેપી સભ્ય વૃદ્ધિ અભિયાન ચલાવવામાં આવી રહ્યું છે.

ફરિયાદમાં નોંધાયેલ વિગત પ્રમાણે ગુલામ ફરીદ શેખે આ ત્રણેવ વિવાદીત કાર્ડ વોટ્સએપ ગૃપમાં વાયરલ કર્યાં હતાં. આ વ્યક્તિ વિરુદ્ધ ફરિયાદ નોંધવામાં આવી છે.

મહત્વનું છે કે બીજેપી સદસ્યતાનું અભિયાન હાલ આખા દેશમાં ચાલી રહ્યું છે અને તેમાં દેશનાં અનેક લોકો જોડાઇ રહ્યાં છે.

ગુનાહીત રેકોર્ડ ધરાવતા લોકોના ભાજપના અભિયાન હેઠળ બોગસ આઈકાર્ડ બનાવી તેને વાયરલ કરવામાં આવ્યા છે. જેનાથી લોકોમાં ભાજપ પ્રતિ ખોટા સંદેશ જાય. ગુનાહિત લોકો જેવા કે, રામરહીમ, પાકિસ્તાનના PM ઇમરાન ખાન અને આસારામના આઈકાર્ડ સોશિયલ મીડિયામાં વાયરલ કર્યાનો આરોપ લગાવવામાં આવ્યો છે.