અમદાવાદમાં શરૂ થઇ સિગ્નલ સ્કુલ: જાણો કેવી રીતે ગરીબ બાળકોને પુરુ પાડશે પાયાનું શિક્ષણ

સંજય ટાંક, અમદાવાદ: ગરીબ બાળકો (Poor kids Education) શિક્ષણથી વંચિત ન રહી જાય તે માટે અમદાવાદ મ્યુનિસિપલ (AMC) સ્કૂલબોર્ડ દ્વારા નવતર પ્રયોગ હાથ ધરવામાં આવ્યો છે. સિગ્નલ (Signal School in Ahmedabad)પર રખડતા બાળકોને શિક્ષણ પૂરું પાડવા તૈયાર કરાયેલી ખાસ પ્રકારની 10 બસને મુખ્યમંત્રી ભુપેન્દ્ર પટેલએ (CM Bhupendra Patel) લીલીઝંડી આપી દીધી છે. આજથી આ બસ શહેરના અલગ અલગ વિસ્તારમાં ફરશે અને શિક્ષણથી વંચિત રહી જતા અને શાળાએ અભ્યાસ માટે નહીં જઈ શકતા બાળકોને શિક્ષણ પૂરું પાડશે.

અમદાવાદ મ્યુનિસિપલ સ્કૂલ બોર્ડ દ્વારા વર્ષ 2021-22ના બજેટમાં સિગ્નલ સ્કૂલની ખાસ જોગવાઈ કરવામાં આવી હતી. સ્કૂલબોર્ડના અધિકારીઓએ જણાવ્યું કે, રસ્તાઓ ઘણીવાર બાળકો જોવા મળતા હોય છે.  શાળાએ અભ્યાસ માટે જઈ શકતા નથી. માટે આ વખતના બજેટમાં ખાસ સિગ્નલ સ્કૂલની જોગવાઈ કરવામાં આવી છે.

જેમાં એવી બસો તૈયાર કરવામાં આવી છે, જેમાં અભ્યાસ કરવાની  વ્યવસ્થા ઉભી કરાઇ છે. વિધાર્થીને બસમાં બેસાડીને શિક્ષણ આપી શકાય. આવી 10 બસ બનાવવા આવી છે જે, શહેરના ગુલબાઈ ટેકરા, વસ્ત્રાપુર, આરટીઓ, નારોલ, નરોડા જેવા અલગ અલગ વિસ્તારમાં જશે. જે બાળકો કોઈપણ કારણોસર શાળાએ નથી આવી શકતા તેઓને ત્યાં સિગ્નલ પાસે જ બસ મારફતે શિક્ષણ પૂરું પાડવામાં આવશે.

આ બસમાં બે શિક્ષક રાખવામાં આવશે જેમાં એક મુખ્ય શિક્ષક અને એક હેલ્પર તરીકે કામ કરશે. બસ દરેક વિસ્તારમાં સોમવારથી શનિવાર સુધી અલગ અલગ વિસ્તારમાં ફરશે. બાળકોને પાયાનું શિક્ષણ મળે તે માટે આ સિગ્નલ સ્કૂલ કામ કરશે.

આ સિગ્નલ સ્કૂલમાં  સીસીટીવી, બાળકોને બાળકોને ગમ્મત સાથે જ્ઞાન  એલઈડી દ્વારા શિક્ષણની વ્યવસ્થા, પુસ્તકો નોટબુક મુકવા માટે કબાટ ની વ્યવસ્થા, એક સાથે 15 બાળકો અભ્યાસ કરી શકશે, લાઈટ પંખા પીવાના પાણી જેવી પ્રાથમિક સુવિધાઓ, ક્લાસરુમ જેવું વાતાવરણ બસમાં ઊભું કરવાનો પ્રયાસ કરવામાં આવ્યો છે.

મહત્વનું છે કે, આ સમગ્ર પ્રોજેકટ માટે બાર કરોડની જોગવાઈ કરવામાં આવી છે. ભિક્ષા નહિ શિક્ષા સ્લોગન સાથે સિગ્નલ સ્કૂલ શરૂ કરવામાં આવી છે.