અમદાવાદઃ ટૂંક સમયમાં SVP હોસ્પિટલમાં એર એમ્બ્યુલન્સ સેવા શરૂ કરાશે

દેશના વડાપ્રધાન નરેન્દ્ર મોદીના (PM Narendra modi)સ્વપ્નને એસવીપી હોસ્પિટલ (SVP hospital) સાર્થક કરી રહી છે. આજે હોસ્પિટલ સામાન્ય વર્ગ અને મધ્યમ વર્ગ માટે આર્શિવાદ રૂપ સાબિત થતી હોય તેમ લાગે છે. હોસ્પિટલ સરેરાશ એક દિવસમાં જ એક હજાર ઓપીડી સેવાઓ આપવામા આવે છે. ફાઇવ સ્ટાર હોટલ અને પ્રાઇવટ હોસ્પિટલ પણ ટક્કર આપી શકે તેવી સુવિધાથી સજ્જ હોસ્પિટલ આજે બની છે. (પ્રણવ પટેલ, અમદાવાદ)

એએમસી ડપ્યૂટી કમિશનર (Deputy Commissioner)કુલદીપ આર્યએ માહિતી આપતા જણાવ્યું હતુ કે હોસ્પિટલમાં દર્દીઓનો ઘસારો વધ્યો છે. ૧૪૦૦ બેડમાંથી આજે ૭૦૦ બેડ અને 140 આઇસીયુ (ICU)હોસ્પિટલના કાર્યરત થઇ ગયા છે. હોસ્પિટલમાં પેપર લેશ કામ થઇ રહ્યું છે. અહીં આવતા દર્દીઓને ૯૧ ટકા સંતોષ કારક સેવા આપવામાં હોસ્પિટલ સફળ રહ્યું છે.

જાન્યુઆરી 2019માં દેશના વડાપ્રધાન નરેન્દ્ર મોદીએ હોસ્પિટલ સામાન્ય લોકો માટે સમર્પિત કરી હતી. હોસ્પિટલમાં પ્રાઇવેટ હોસ્પિટલ કરતા વધુ સારી સેવા માત્ર નજીવા દરે આપવામા આવી રહી છે.

એસવીપી હોસ્પિટલની સેવામાં ઉત્તરોતર વધારો જોવા મળ્યો છે. હોસ્પિટલ શરૂ થઇ ત્યારથી અત્યાર સુધી સરેરાશ એક દિવસમાં જ એક હજાર ઓપીડી સેવા મળી રહી છે. તો 450 ઇન્ડોર દર્દી તરીકે સારવાર અપાઇ રહી છે.

ભવિષ્યમાં એર એમ્બ્યુલન્સ (Air Ambulance)સેવા પણ શરૂ કરાશે. જેના માટે હોસ્પિટલ દ્વારા પ્રક્રિયા આરંભી દેવામાં આવી છે.

જાન્યુઆરી થી સપ્ટેમ્બર સુધી સરેરાશ દર મહિનામાં 10 થી 12 હજાર ઓપીડી<br />જાન્યુઆરી થી સપ્ટેમ્બર સુધી સરેરાશ દર મહિનામાં 2500 થી 3 હજાર એક્સરે<br />જાન્યુઆરી થી સપ્ટેમ્બર સુધી સરેરાશ દર મહિનામાં 300 થી 500 એમઆરઆઇ<br />જાન્યુઆરી થી સપ્ટેમ્બર સુધી સરેરાશ દર મહિનામાં 10 થી 12 હજાર લેબ ટેસ્ટ