વિભુ પટેલ, અમદાવાદ : લોકો અને પોલીસની સતર્કતાને કારણે અમદાવાદમાં રેલવે સ્ટેશન પર એક મહિલાનો જીવ જતાં બચી ગયો હતો. મહિલા ચાલુ ટ્રેનમાં ચડવા જતાં પ્લેટફોર્મ અને ટ્રેન વચ્ચેની જગ્યામાં પડી ગઈ હતી. જોકે, લોકોએ પળનો પણ વિચાર કર્યા વગર મહિલાને ખેંચી લેતા જીવ બચી ગયો હતો.
2/ 7
આ આખો બનાવ પ્લેટફોર્મ પર લાગેલા સીસીટીવી કેમેરામાં કેદ થઈ ગયો હતો. અમદાવાદના કાલુપુર રેલવે સ્ટેશન ખાતે આ બનાવ બન્યો હતો. આ બનાવ 11મી જુલાઈના રોજ રાત્રે 10:11 વાગ્યે બન્યો હતો. (તસવીર : ટ્રેન ચાલવા લાગી હોવાથી પ્લેટફોર્મ પર રહેલા મુસાફરોને ટ્રેનમાં ચડવાની સૂચના આપી રહેલો કોન્સ્ટેબલ)
3/ 7
બનાવની વિગત પ્રમાણે મહિલા અમદાવાદ-સોમનાથ ટ્રેનમાં ચઢવાનો પ્રયાસ કરી રહી હતી. મહિલાએ જ્યારે ટ્રેનમાં ચડવાનો પ્રયાસ કર્યો હતો ત્યારે ટ્રેન ધીમે ધીમે ચાલવા લાગી હતી.
4/ 7
ચાલુ ટ્રેનમાં ચડવા જતા મહિલાનો પગ લપસી ગયો હતો અને તે ટ્રેન અને પ્લેટફોર્મ વચ્ચેની જગ્યામાં પડી ગઈ હતી.
5/ 7
જોકે, આ સમયે અહીં હાજર પોલીસ કોન્સ્ટેબલ મનીષ જાટનું ધ્યાન મહિલા પર પડી ગયું હતું અને તેણે મહિલાને બચાવવા માટે દોટ લગાવી હતી.
6/ 7
કોન્સ્ટેબલ ઉપરાંત પ્લેટફોર્મ ખાતે હાજર અન્ય લોકો પણ મહિલાને બચાવવા માટે દોડ્યાં હતાં.
7/ 7
તમામ લોકોએ મહિલાને ટ્રેન અને પ્લેટફોર્મ વચ્ચેની જગ્યામાંથી બહાર ખેંચી લીધી હતી.
