કિંજલ દવેને 'ચાર ચાર બંગડીવાળી ગાડી' ગીત ન ગાવા કોર્ટે કર્યો આદેશ

રાજ્યમાં કોઇપણ નાનો મોટો પ્રસંગ હોય ત્યાં એક ગીત તો વાગે જ, એ છે કે 'ચાર ચાર બંગડીવાળી'. આ ગીતથી પ્રસિદ્ધ થયેલી ગાયિકા કિંજલ દવેને 22મી જાન્યુઆરીની આગામી સુનાવણી સુધી કોઈ કોમર્શિયલ કાર્યક્રમોમાં આ ગીત ન ગાવા માટે અમદાવાદની કોમર્શિયલ કોર્ટે વચગાળાનો આદેશ કર્યો છે.

કોર્ટે આ ગાયિકા દ્વારા ગવાયેલું ગીત ઇન્ટરનેટ પરથી હટાવી લેવા માટે અને ગીત કોઈને વેચવામાં ન આવે તેવા પણ આદેશ આપ્યાં છે.

ઓસ્ટ્રેલિયામાં કાઠિયાવાડી કિંગ તરીકે જાણીતા ગુજરાતી યુવકે આ ગીત પર કોપીરાઈટ દાવો કર્યો છે. તેણે કહ્યું છે કે આ ગીત તેણે લખ્યું છે અને ગાયું પણ છે. જેની કિંજલ દવેએ નકલ કરી છે. અરજદારની કંપનીએ કોપીરાઇટ ધારા હેઠળ રજૂઆત કરી છે કે આ ગીત તેણે બનાવી તેનો વીડિયો યુટયૂબ પર વર્ષ 2016માં અપલોડ કર્યો હતો. તેના એક મહિના પછી ગીતમાં થોડા જ ફેરફારો કરી કિંજલ દવે એ આ ગીત ગાયું હતું.

કાર્ટે આ ગાયિકાને નોટિસ પાઠવી તેના દ્વારા ગવાયેલું ગીત તમામ ઇન્ટરનેટ માધ્યમો પરથી હટાવવા આદેશ આપ્યો છે. ઉપરાંત ગીતના વેચાણ પર પણ પ્રતિબંધ ફરમાવ્યો છે. અપલોડ યુટયૂબ કિંજલ દવે<br />એક વર્ષ પહેલાં નોટિસ કાર્યક્રમમાં ન ગાવા મનાઇ હુકમ આપ્યો છે.

કિંજલ દવેએ ઓક્ટોબર-2016માં આ ગીતનો વીડિયો યુટયૂબ પર અપલોડ કર્યો હતો. નકલ કરાયેલું ગીત ઇન્ટરનેટ પર અને લોકોમાં ઘણો જ વાયરલ બન્યો હતો. આ ગીતથી કિંજલનાં ચાહકોમાં વધારો થયો હતો.