અમદાવાદ: ઘરમાં રહીને આ આસનો કરવાથી Coronavirus તમારાથી ભાગશે દૂર, જાણો યોગ નિષ્ણાતની સલાહ

સંજય ટાંક, અમદાવાદ: કોરોનાના (corona cases) કેસ વધતાની સાથે આરોગ્ય તંત્ર તો કેસોને ડામવાના પ્રયાસ કરી જ રહ્યું છે. ઘણા લોકો કોરોનાથી બચવા ઘરગથ્થુ ઉપચાર કરવામાં પણ લાગી ગયા છે. પરંતુ કેટલીક એવી કસરતો કે યોગના (Yoga for get rid of corona) આસનો છે જે રોજ કરવાથી કોરોના તો દૂર ભાગશે જ સાથે સાથે અન્ય રોગોને પણ તમારાથી દુર ભગાડશે. તો નોંધી લો કેટલાક આસન જે કોરોનાને તો દૂર ભગાવશે જ પણ સાથે તમારામાં નવી ઊર્જાનો નવી ચેતનાનો સંચાર પણ કરશે.

આમ તો યોગ માટે એવું કહેવાય છે કે, યોગ ભગાવે રોગ. દરેક દર્દની દવા છે યોગ. યોગનું મહત્વ શાસ્ત્રો અને પુરાણોમાં પણ દર્શાવવામાં આવ્યું છે. હાલ જ્યારે કોરોનાના કેસ એક એક વધી રહ્યા છે અને ત્રીજી લહેરની શરૂઆત દેખાઈ રહી છે. લોકોને પણ ઘરમાં રહો અને સ્વસ્થ રહો જેવી અપીલ થઈ રહીછે ત્યારે  ઘરમાં રહીને સ્વસ્થ રહેવા માટે કેટલીક કસરત મદદરૂપ થઇ શકે છે.

આર્ટ ઓફ લિવિંગના સિનિયર યોગા ફેકલ્ટી શૈલેષભાઈ રાઠોડ જણાવે છે કે, શક્તિ વધારવાના આયામ એજ પ્રાણાયામ છે. જે પ્રાણાયામ કરવાથી નવી ચેતના શરીરમાં જાગે છે. આ ઉપરાંત કપાલ ભાતિ ભસ્ત્રિકા ફેફસા ખોલીને રાખે છે. તેવીજ રીતે અનુલોનગ વિલોનગ પણ શ્વાશન ક્રિયા માટે ઉપયોગી છે.

પ્રાણાયામ ઉપરાંત કેટલાક આસનો છે. બાલાશન, ધનુરાસન, ભુજંગાસન, મકરાશન આવા કેટલાક પાંચ સાત આસનો છે જે કોરોના જ નહીં અન્ય રોગોથી દૂર રાખવામાં મદદરૂપ થાય છે.

મહત્વનું છે કે કોરોનાનો કહેર વધી રહ્યો છે તેવામાં લોકો માસ્ક પહેરે, હાથ વારંવાર સાફ કરે અને સોશિયલ ડિસ્ટન્સ સાથે કોરોનાના નિયમોનું પાલન કરે તે જરૂરી છે. ત્યારે લોકો પોતાનું સ્વાસ્થ્ય સાચવવા  માટે યોગની વાટ પકડે તે જરૂરી છે. જેથી કરીને કોરોના સહિત વધતા રોગો સામે લડી શકાય.