અતુલ જોશી, મોરબી : મોરબીમાં દસ વર્ષ પૂર્વે બહેન સાથે પ્રેમ સબંધ હોવાની દાઝ રાખી ભાઈ રિયાઝ યુવાનને મોતને ઘાટ ઉતારી પોલીસ સમક્ષ હાજર થઈ ગયો છે. આરોપી રિયાઝ ઉર્ફે રિયાકત કુરેશીએ હત્યા નિપજાવી પોલીસ સમક્ષ હાજર થઈ હત્યાની કબુલાત કરતા પોલીસે વિધિવત ધરપકડ કરી રિમાન્ડ અર્થે કોર્ટમાં હાજર કરવા કવાયત હાથ ધરી છે.
મોરબીમાં ગત 7 ફેબ્રુઆરીના રોજ રફીક ઉર્ફે ગુલાબ રફાઈની છરીના ઘા ઝીંકી નિર્મમ હત્યા નિપજાવવામાં આવી હતી. મોડી રાત્રે પોલીસ ઘટનાસ્થળ અને બાદમાં સિવિલ હોસ્પિટલમાં દોડી જઇ તપાસ હાથ ધરી હતી. આ બનાવમાં પિતાએ હત્યાની ફરિયાદ નોંધાવતા એ ડિવિઝન પોલીસે તપાસ શરૂ કરી હતી.
બનાવની વિગત એવી છે કે મોરબીના કાલિકા પ્લોટ વિસ્તારમાં રહેતા યુવાન રફીક ઉર્ફે ગુલાબ અબ્બાસભાઈ રફાઈની 7 ફેબ્રુઆરીએ મોડી રાત્રે રામઘાટ નજીક છરીના ઘા ઝીંકી નિર્મમ હત્યા કરાઈ હતી. મૃતકના પિતા અબ્બાસભાઈ મહમદશા રફાઈએ કાલિકા પ્લોટ વિસ્તારમાં રહેતા રફીક ઉર્ફે રિયાક્ત ખુરેશી વિરુદ્ધ પોતાના યુવાન પુત્ર રિયાઝ ઉર્ફે ગુલાબની હત્યા કર્યાની મોરબી એ ડિવિઝન પોલીસ મથકે ફરિયાદ નોંધાવી હતી.
આ બનાવની માહિતી આપતા એ ડિવિઝન પીઆઈ બી પી સોનારાએ જણાવ્યું હતું કે મૃતક યુવાન રફીક ઉર્ફે ગુલાબને દસ વર્ષ પૂર્વે આરોપી રિયાક્તની બહેન સાથે પ્રેમ સબંધ હોય તેની દાઝ રાખી આરોપી રફીક ઉર્ફે રિયાક્ત હાજી ખુરેશીએ તેના પુત્ર રફીકની હત્યા નિપજાવી છે. આ હત્યાના મામલે હત્યા નિપજાવનાર આરોપી રિયાઝ ઉર્ફે રિયાક્ત હાજી ખુરેશી એ ડિવિઝન પોલીસ મથકે આવી પહોંચતા પોલીસે આરોપી રિયાઝની ધરપકડ કરી હતી. તેણે બાદમાં આજ કારણથી હત્યા નિપજાવી હોવાની કબૂલાત આપતાં પોલીસે આરોપીનો કોવિડ ટેસ્ટ કરાવી વિધિવત ધરપકડ કરી હત્યામાં વપરાયેલા હથિયાર કબ્જે લેવા કવાયત હાથ ધરી છે
