ગુજરાતના આ ગામમાં છે 17 બેંક, જેમાં 5000 કરોડથી વધારે જમા છે પૈસા

ગુજરાતના (Gujarat) આ ગામમાં 7600 ઘર છે. દરેક ઘર એકથી એક ચડિયાતા છે. આ ગામ બેંકો માટે પણ મહત્વપૂર્ણ છે. જેથી અહીં 1-2 નહીં પણ 17 બેંક છે. આ બેંકોમાં ઘણી મોટી માત્રામાં પૈસા જમા છે. આ ગામના લોકોનું લંડનથી ખાસ કનેક્શન જ નથી પણ અહીંથી અડધાથી વધારે લંડન અને યૂરોપમાં રહે છે. આ એટલું સમૃદ્ધ ગામ છે કે જેને જોવા માટે દુનિયાભરના લોકો આવે છે.

આ ગામ ગુજરાતનું માધાપર (madhapar village) છે. ગામના અડધાથી વધારે લોકો લંડનમાં રહે છે. આ ગામના લોકોએ લંડનમાં પોતાની એક ક્લબ બનાવી છે. જેની ઓફિસ પણ છે.

1968માં લંડનમાં માધાપર વિલેજ એસોસિયેશન નામનું એક સંગઠન બન્યું હતું. તેની ઓફિસ ખોલવામાં આવી હતી જેથી માધાપરના ગામના લોકો એકબીજાને કોઈના કોઇ સામાજિક કાર્યક્રમના બહાને મળતા રહે. આ જ પ્રકારે ગામમાં પણ એક ઓફિસ ખોલવામાં આવી છે જેથી લંડનથી ડાયરેક્ટ કનેક્ટ રહી શકે.

આ ગામમાં જે 17 બેંકો છે. તે બધી પ્રખ્યાત બેંકોની બ્રાન્ચ છે. જેમાં 5000 કરોડ રૂપિયા જમા છે. અહીંના લોકો ભારતના બીજા શહેરોમાં જાવાની સરખામણીમાં લંડન, કેનેડા, અમેરિકા, કેન્યા, યૂગાંડા, મોઝાંબિક, દક્ષિણ આફ્રિકા અને તાન્ઝાનિયા ચાલ્યા ગયા છે અને ત્યાં જ વસી ગયા છે.

સૌથી ખાસ વાત એ છે કે ગામના લોકો બહાર તો ગયા પણ પોતાના ગામ સાથે જોડાયેલા રહ્યા છે. ગામ સાથે તેમનો સંપર્ક હંમેશા બન્યો રહ્યો છે. માધાપર ગામના લોકો વિદેશથી પૈસા કમાઇની ગામમાં જમા કરે છે. આ ગામના દરેક ઘરમાં ઓછામાં ઓછા 2 લોકો વિદેશમાં રહે છે.

ગામમાં પ્લે સ્કૂલથી લઇને ઇન્ટર કોલેજ સુધી હિન્દી અને અંગ્રેજી મીડિયમ સુધીના અભ્યાસની વ્યવસ્થા છે. ગામમાં શોપિંગ મોલ પણ છે જ્યાં દુનિયાભરના મોટા બ્રાન્ડ જોવા મળે છે. ગામમાં તળાવ પણ છે અને બાળકોને સ્નાન કરવા માટે સ્વિમિંગ પૂલ પણ છે.

આ ગામના લોકો હજુ પણ ખેતી કરે છે. કોઈએ પોતાની ખેતી વેચી નથી. ગામમાં અત્યાધુનિક ગૌશાળા પણ છે. ગામમાં અત્યાધુનિક સુવિધાઓથી સજ્જ હેલ્થ સેન્ટર છે. ગામમાં પોતાનો કમ્યુનિટી હોલ છે. ગામના પોસ્ટ ઓફિસમાં 200 કરોડ રૂપિયાની ફિક્સ ડિપોઝિટ છે.