ગીર: પાકિસ્તાની જેલમાં મૃત્યું પામનાર માછીમારનો મૃતદેહ આખરે મહિના બાદ આવ્યો વતનમાં, પરિવારે ભારે હૈયે આપી વિદાય

દિનેશ સોલંકી,ગીર સોમનાથ: પાક. મરીન દ્વારા અનેકવાર ભારતીય માછીમારોનું (Gujarati fishermen) અપહરણ (kidnapping) કરવામાં આવે છે. જેમાં અનેક વૃદ્ધ અને બીમાર માછીમારો પણ હોય છે. ત્યારે પાકિસ્તાનની જેલમાં (Pakistani Jail) કેદ થયા બાદ તેઓની યોગ્ય સારવાર થતી ન હોવા ના કારણે અનેક વાર માછીમારો પાક જેલમાં મૃત્યુ પામતા હોય છે. ત્યારે વધુ એક ગીર સોમનાથ (Gir Somnath) જિલ્લાના સુત્રાપાડાના માછીમારનું પાક જેલમાં મોત થયું છે.

આખરે સુત્રાપાડા બંદરમાં રહેતા જેન્તી સોલંકી નામના માછીમાર ગત વર્ષ 2020ની ફેબ્રુઆરીમાં પોરબંદરની રસુલ સાગર નામની બોટમાં માછીમારી કરવા ગયા હતા.

જે દરમિયાન પાકિસ્તાની મરીન  સિક્યુરિટી એજન્સી દ્વારા બોટ અને તેમના માછીમારો સહિત જેન્તી કરશન સોલંકીનું અપહરણ કરીને જેલમાં બંધક બનાવ્યા હતા. જ્યાં જેલમાં તેમનું મૃત્યુ થતા એક માસના લાંબા સમય બાદ મૃતક માછીમારનો મૃતદેહ વાઘા-અટારી બોર્ડરે ભારતીય ફિશરીઝ અધિકારીઓને સોંપવામાં આવ્યો હતો.

વાઘા બોર્ડરેથી અમૃતસર વાયા અમદાવાદ એરપોર્ટ પર પહોંચ્યો જ્યાં ગત રાત્રે અમદાવાદ એરપોર્ટના અધિકારીઓ દ્વારા મૃતદેહ ને વેરાવળના ફિશરીઝ અધિકારીઓને સોંપવામાં આવ્યો હતો.

ફિશરીઝ અધિકારીઓ એમ્બ્યુલન્સમાં  મૃતદેહને પરિવારને સોંપવામાં આવ્યો હતો. પરિવારમાં માતા પિતા વૃધ્ધ બીમાર હોય મૃતકની પત્નિ રાણીબેન, પુત્ર ફેનીલ, પુત્રી પ્રીતિ  અને નાના ભાઈ તુલસી કરશન સોલંકીને સાથે રાખી તેની અંતિમ વિધિ કરવામાં આવી હતી.