નોકરિયાત છુઓ તો આ રીતે મ્યુચ્યુઅલ ફંડ્સમાં રોકો, લાખોપતિ બની જશો

મ્યુચ્યુઅલ ફંડ્સ (Mutual Funds) પગારદાર લોકો માટે તેમના નાણાંકીય લક્ષ્યો (Financial Goals)ને પ્રાપ્ત કરવાના સંપૂર્ણ રોકાણ અભિગમમાં કામમાં આવે છે. પરંતુ ઘણીવાર પગારદાર લોકો મ્યુચ્યુઅલ ફંડ યોજનાઓની પસંદગી (How to Choose Best MF Schemes) કરતી વખતે મૂંઝવણમાં મુકાઈ જાય છે.

કારણ કે બજારમાં ઘણા બધા વિકલ્પો (MF Schemes Options) ઉપલબ્ધ છે. અહીં કેટલાક મહત્વપૂર્ણ મુદ્દાઓ છે, જે પગારદાર વ્યક્તિઓને યોગ્ય મ્યુચ્યુઅલ ફંડ સ્કિમ પસંદ કરવામાં મદદ કરી શકે છે. તો ચાલો નજર કરીએ.

ટેક્સ બચાવવા માટે ELLSમાં રોકાણ કરો- ELLS રોકાણકારને ઈક્વિટી મ્યુચ્યુઅલ ફંડ સ્કીમમાં રોકાણ કરવાની મંજૂરી આપે છે અને સાથે જ નાણાંકીય વર્ષમાં 1.5 લાખ રૂપિયાની મહત્તમ મર્યાદા સુધી 80C હેઠળ કર કપાતનો લાભ મળે છે. કારણ કે ELLS ઇક્વિટી-ઓરિએન્ટેડ સ્કીમ છે, તેથી તેઓ ઉચ્ચ અસ્થિરતાનું જોખમ છે. તેથી રોકાણકારોએ વોલેટિલિટી રિસ્ક ઘટાડવા અને લાંબાગાળે સરેરાશ ખર્ચનો લાભ મેળવવા માટે એસઆઈપી મોડ દ્વારા રોકાણ કરવું જોઈએ.

શોર્ટ-ટર્મ ડેબ્ટ ફંડમાં કરો રોકાણ-નાણાંકીય કટોકટીને પહોંચી વળવા માટે આકસ્મિક ભંડોળમા હાઇ લિક્વિડીટી હોય તે મહત્વનું છે. તેથી તમે લિક્વિડ ફંડ્સ, અલ્ટ્રા-શોર્ટ અવધિના મ્યુચ્યુઅલ ફંડ્સ અથવા આર્બિટ્રેજ ફંડ્સ જેવા ટૂંકા ગાળાના ડેટ ફંડ્સમાં રોકાણ કરી શકો છો, કારણ કે તેમાં ઓછું જોખમ હોય છે.

લાંબાગાળાના રીટર્ન માટે ઈક્વિટી ફંડ્સમાં રોકાણ કરો-ઈક્વિટી મ્યુચ્યુઅલ ફંડ સ્કીમ્સમાં ઘણા વિકલ્પો ઉપલબ્ધ છે, જ્યાં તમે કેટલું જોખમ લેવા માટે તૈયાર છો, તેના આધારે તમે વળતર મેળવવા માટે રોકાણ કરી શકો છો. ઉદાહરણ તરીકે જો તમારે ઊંચું વળતર જોઈતું હોય અને ઊંચું જોખમ લેવા તૈયાર હોય એટલે કે યુવાન વયે તમે સ્મોલ કે મિડ-કેપ મ્યુચ્યુઅલ ફંડ સ્કીમમાં રોકાણ કરી શકો છો. બીજી તરફ જો તમે મધ્યમથી વધુ જોખમ લેવા માટે તૈયાર છો, એટલે કે મોટી ઉંમરે લાર્જ-કેપ ફંડમાં રોકાણ કરી શકો છો. ઈક્વિટી મ્યુચ્યુઅલ ફંડ સ્કીમમાં રોકાણ જાળવી રાખવાથી તમને લાંબાગાળે વેલ્થ ક્રિએશનમાં મદદ મળી શકે છે.

લમ્પસમ રોકાણ માટે ડેબ્ટ ફંડમાં રોકાણ કરો-પગારદાર લોકો યોગ્ય ડેટ ફંડ્સમાં લમ્પસમ રોકાણ કરી શકે છે, કારણ કે તેઓ ઇક્વિટી સ્કીમ્સની તુલનામાં ઓછું જોખમ ધરાવે છે. વધુ સારી લિક્વિડિટી આપે છે અને સ્થિર વળતર આપે છે. જોખમની ક્ષમતા અને વળતરની અપેક્ષાના આધારે તમે યોગ્ય ડેટ ફંડ પસંદ કરી શકો છો. જો તમે જોખમ નથી લઇ શકતા તો તમે ટૂંકા ગાળાના ડેટ ઇન્સ્ટ્રુમેન્ટ્સના એક્સપોઝર સાથે મ્યુચ્યુઅલ ફંડમાં રોકાણ કરી શકો છો.

બીજી તરફ, જો તમે વધુ જોખમ લેવા તૈયાર છો અને વધુ વળતર મેળવવા માંગતા હો, તો તમે એવા ફંડમાં રોકાણ કરી શકો છો જેમાં લાંબી મેચ્યોરિટીવાળા ડેબ્ટ ઇન્સ્ટ્રુમેન્ટ્સમાં એક્સપોઝર હોય. જો તમે થોડું વધારે જોખમ લેવા તૈયાર છો અને વધુ વળતર મેળવવા માંગો છો, તો તમે બેલેન્સ ફંડ્સ પસંદ કરી શકો છો.

આ બાબતોનું રાખો ધ્યાન -મ્યુચ્યુઅલ ફંડ સ્કીમની પસંદગી કરતી વખતે હંમેશાં ખર્ચનો ગુણોત્તર, ભૂતકાળ અને વર્તમાન કામગીરી, પોર્ટફોલિયોમાં રોકાણની ગુણવત્તા વગેરે જેવા પરિબળોના આધારે વિવિધ યોજનાઓનું એનાલિસીસ અને તુલના કરો. મ્યુચ્યુઅલ ફંડમાં રોકાણ કરતી વખતે વૈવિધ્યકરણની માત્રા યોગ્ય રીતે જાળવવી જરૂરી છે. વધુ રીટર્ન મેળવવા મોટી રકમનું રોકાણ કરવું તેવું જરૂરી નથી. તમે યોગ્ય પ્લાનિંગ અને નોલેજ સાથે ઓછી રકમથી પણ વધુ વળતર મેળવી શકો છો.

(ડિસ્ક્લેમરઃ અહીં આપવામાં આવેલી રોકાણની સલાહ એક્સપર્ટ્સના અંગત મત રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)