Gujarat Weather: માવઠાથી મુક્તિ મળે તે પહેલા અમદાવાદ સહિત આ ભાગોમાં વરસાદ પડવાની આગાહી

વિભુ પટેલ, અમદાવાદ, સાયક્લોનિક સર્ક્યુલેશન સક્રિય હોવાથી શીલા એક સપ્તાહથી ગુજરાત રાજ્યના અલગ અલગ જિલ્લાઓમાં ગાજવીજ ભારે પવન સાથે કામોથી વરસાદ થયો છે અને હજુ પણ આગામી બે દિવસ સામાન્ય વરસાદ થવાની હવામાન વિભાગ દ્વારા આગાહી કરવામાં આવી છે.

હવામાન વિભાગના ડાયરેક્ટર મનોરમાં મોહંતીએ જણાવ્યું છે કે, રાજસ્થાન ઉપર એક સર્ક્યુલેશન સક્રિય છે. જેની અસર ગુજરાતના વાતાવરણ ઉપર જોવા મળી રહે છે. હજી પણ આગામી બે દિવસ સામાન્ય વરસાદ થવાનું અનુમાન છે.

આજે અમદાવાદ સહિત કચ્છ, બનાસકાંઠા, સાબરકાંઠા, અરવલ્લી, મહીસાગર દાહો, નર્મદામાં વરસાદ થવાનું અનુમાન છે તો સૌરાષ્ટ્રમાં દેવભૂમિ દ્વારકા જામનગર, રાજકોટ, જૂનાગઢ, અમરેલી, મોરબી, સુરેન્દ્રનગર, બોટાદ, ભાવનગરમાં સામાન્ય વરસાદની આગાહી છે. જ્યારે અન્ય જિલ્લામાં વાતાવરણ સૂકું રહેશે.

23 માર્ચના પણ કમોસમી વરસાદ  યથાવત રહેશે. કચ્છ બનાસકાંઠા સાબરકાંઠા અરવલ્લી ગાંધીનગર ખેડા આણંદ અમદાવાદ, સુરેન્દ્રનગર, મોરબી, જામનગર, રાજકોટ, બોટાદ, ભાવનગર, અમરેલી, ગીર સોમનાથ, જૂનાગઢ, પોરબંદર અને દ્વારકામાં ગાજવીજ પવન સાથે સામાન્ય વરસાદી ઝાપટા પડવાનું અનુમાન છે.

જો કે છેલ્લા એક સપ્તાહથી કમોસમી વરસાદ થઈ રહ્યો છે. તેના કારણે કૃષિ પાકને ભારે નુકસાન થયું છે . અને હવે માવઠું જાય તેની ખેડૂતો રાહ જોઈ રહ્યા છે. ત્યારે 48 કલાક બાદ માવઠામાંથી છુટકારો મળે તેવું લાગી રહ્યું છે. કારણ કે હવામાન વિભાગે કહ્યું છે કે બે દિવસ કમોસમી વરસાદ યથાવત રહેશે.બે દિવસ બાદ બાદ સિસ્ટમ નબળી પડી જશે. અને ગુજરાતમાં વાતાવરણ સ્વચ્છ બની જશે.

જો કે આગામી ત્રણ દિવસ મહતમ અને લઘુતમ તાપમાન  યથાવત રહેશે. અને ત્રણ દિવસ બાદ બેથી ચાર ડિગ્રી તાપમાન વધવાનું હવામાન વિભાગનું અનુમાન છે.