રાજ્યમાં હવે માત્ર 606 એક્ટિવ કેસ, શુક્રવારે 2,73,547 વ્યક્તિઓનું રસીકરણ

અમદાવાદ : રાજ્યમાં (Gujarat)છેલ્લા 24 કલાકમાં કોરોના વાયરસના (Coronavirus)નવા 39 કેસ નોંધાયા છે. જેની સામે 70 દર્દીઓ સાજા થયા છે. કોરોનાથી સાજા થનાર દર્દીઓની સંખ્યામાં સતત વધારો યથાવત્ છે. છેલ્લા 24 કલાકમાં રાજ્યમાં કોવિડ-19 (Covid19)ના કારણે એકપણ દર્દીનું મોત થયું નથી. રાજ્યમાં કુલ મૃત્યુઆંક 10074 થયો છે. રાજ્યમાં સાજા થવાનો દર 98.70 ટકા છે. અત્યાર સુધીમાં 2,90,27,804 ડોઝ કોરોના વેક્સીનના (CoronaVaccine)આપવામાં આવ્યા છે. આજે કુલ 2,73,547 વ્યક્તિઓનું રસીકરણ થયું છે. (પ્રતિકાત્મક તસવીર)

રાજ્યમાં નવા કોરોના વાયરસ કેસમાં અમદાવાદમાં 5, સુરતમાં 9, વડોદરામાં 7, અમરેલી, આણંદ, જામનગર, જૂનાગઢ, દાહોદ, ગાંધીનગર, નવસારીમાં 2-2, ભરૂચ, ગીર સોમનાથ, પાટણ, વલસાડમાં 1-1 સહિત કુલ 39 કેસ નોંધાયા છે. (પ્રતિકાત્મક તસવીર)

રાજ્યમાં 24 કલાકમાં કોરોનાના કારણે એકપણ દર્દીનું મોત થયું નથી. બીજી તરફ અમદાવાદમાં 22, સુરતમાં 7, વડોદરામાં 5, રાજકોટમાં 6, મહીસાગરમાં 8, અરવલ્લીમાં 6, ગાંધીનગરમાં 4, અમરેલી, જામનગર, જૂનાગઢમાં 2-2 સહિત કુલ 70 દર્દીઓએ કોરોના વાયરસને મ્હાત આપી છે. (પ્રતિકાત્મક તસવીર)

રાજ્યમાં અત્યારે કુલ 606 દર્દીઓ એક્ટિવ પેશન્ટ તરીકે દાખલ છે, જેમાં 7 દર્દીઓ વેન્ટીલેટર પર છે. રાજ્યમાં 599 દર્દીઓ સ્ટેબલ છે. રાજ્યમાં અત્યાર સુધીમાં 813743 દર્દીઓને ડિસ્ચાર્જ કરવામાં આવ્યા છે. (પ્રતિકાત્મક તસવીર)