corona Update: રાજ્યમાં કોરોનાના કેસમાં હળવો વધારો, એક્ટિવ કેસની સંખ્યા બેવડી સદીને પાર

Gujarat Corona Update: રાજ્યમાં 13મી મેની સાંજે કોરોના વાયરસના નવા કેસની (Gujarat Covid Cases on 13-5-2022) સ્થિતિ જોતા એક્ટિવ કેસનો આંકડો (gujarat Coronavirus Cases) સતત વધતો જોવા મળી રહ્યા છે. રાજ્યમાં એક સમયે 100ની નીચે સરકી ગયેલા એક્ટિવ કેસ હવે ફરી 200ની પાર થઈ ગયા છે. રાજ્યમાં આજે 13મી મેની સાંજે કોરોના વાયરસના નવા કેસની સંખ્યા 35 નોંધાઈ છે. અમદાવાદ શહેરમાં નેશનલ ઈન્સ્ટિટ્યૂટ ઓફ ફેશન ડિઝાઈનીંગ (NID Ahmedabad)માં નવા કેસ વધી રહેલા હોવાથી રાજ્યમાં પણ કોરોનાના નવા કેસની સંખ્યા વધી રહી છે. તો આજે 13મી મેના સાંજે રાજ્યમાં કોરોનાના 12 દર્દી સાજા થયા છે.

રાજ્યમાં આજે 13મી મેની સંધ્યાએ અમદાવાદ શહેરમાં કોરોનાના 23 નવા કેસ નોંધાયા છે. આ ઉપરાંત વડોદરા શહેરમાં 7, ખેડા જિલ્લામાં 02, ગાંધીનગર જિલ્લામાં 01, સુરત કોર્પોરેશનમાં 01, વડોદરામાં 01 એમ કુલ 35 નવા કેસ નોંધાયા છે.

રાજ્યમાં આજે એક્ટિવ કેસનો આંકડો 211 છે, રાજ્યમાં કુલ 02 દર્દી વેન્ટિલેટર પર છે. રાજ્યમાં કુલ 209 દર્દી સ્ટેબલ છે. રાજ્યમાં ડિસ્ચાર્જ થયેલા દર્દઓની સંખ્યા 12,13,502 છે. આ ઉપરાંત રાજ્યમાં મૃત્યુની સંખ્યા 10,944 છે.

રાજ્યમાં આજે કુલ 15 દર્દી સાજા થયા છે. જેમાં અમદાવાદ શહેરમાં 04, વડોદરા શહેરમાં 09, ગાંધીનગર શહેરમાં 01, વડોદરા જિલ્લાનો એક દર્દી મળી કુલ 15 દર્દીઓ ગુજરાતમાં આજે 15 દર્દી સાજા થયા છે.

રાજ્યમાં આજે કુલ 33944 વ્યક્તિઓનું રસીકરણ થયું છે, આ પૈકીના સૌથી વધુ રસીના ડોઝન અમદાવાદ શહેરમાં આપવામાં આવ્યા છે. અમદાવાદ શહેરમાં આજે રસીના 6322 ડોઝ આપવામાં આવ્યા છે.બનાસકાંઠામાં 4363, મહેસાણામાં 1615, સુરેન્દ્રનગરમાં 2109 વ્યક્તિઓનું રસીકરણ થયું છે. ગુજરાતમાં અત્યારસુધીમાં રસીના કુલ 10,83,52,935 ડોઝ આપવામાં આવ્યા છે.