Gujarat Coronavirus updates: રાજ્યમાં કોરોનાના કેસમાં વધારો, 24 કલાકમાં 3,33,430 વ્યક્તિઓનું રસીકરણ

અમદાવાદ : રાજ્યમાં (Gujarat Coronavirus updates)છેલ્લા 24 કલાકમાં કોરોના વાયરસના (Coronavirus)નવા 34 કેસ નોંધાયા છે. જેની સામે 14 દર્દીઓ સાજા થયા છે. છેલ્લા 24 કલાકમાં રાજ્યમાં કોવિડ-19 (Covid19)ના કારણે એકપણ દર્દીનું મોત થયું નથી. રાજ્યમાં કુલ મૃત્યુઆંક 10086 થયો છે. રાજ્યમાં સાજા થવાનો દર 98.75 ટકા છે. છેલ્લા 24 કલાકમાં રાજ્યમાં 3,33,430 વ્યક્તિઓનું રસીકરણ કરવામાં આવ્યું છે. અત્યાર સુધીમાં 6,63,31,478 ડોઝ કોરોના વેક્સીનના (CoronaVaccine)આપવામાં આવ્યા છે. (પ્રતિકાત્મક તસવીર)

રાજ્યમાં નવા કોરોના વાયરસ કેસમાં અમદાવાદમાં 7, સુરતમાં 9, વલસાડમાં 7, વડોદરામાં 3, જૂનાગઢ, કચ્છ, નર્મદામાં 2-2, મહેસાણા અને નવસારીમાં 1-1 સહિત કુલ 34 કેસ નોંધાયા છે. રાજ્યમાં 24 કલાકમાં કોરોનાના કારણે એકપણ દર્દીનું મોત થયું નથી.

બીજી તરફ અમદાવાદમાં 3, સુરતમાં 7, ખેડામાં 2, વડોદરા, વલસાડમાં 1-1 દર્દીએ કોરોના વાયરસને મ્હાત આપી છે. (પ્રતિકાત્મક તસવીર)

રાજ્યમાં અત્યારે કુલ 215 એક્ટિવ કેસ છે, જેમાં 5 દર્દીઓ વેન્ટીલેટર પર છે. રાજ્યમાં 210 દર્દીઓ સ્ટેબલ છે. રાજ્યમાં અત્યાર સુધીમાં 815943 દર્દીઓને ડિસ્ચાર્જ કરવામાં આવ્યા છે. (પ્રતિકાત્મક તસવીર)