20 જિલ્લાઓના આ 123 તાલુકાઓને મળશે સહાય પેકેજ, જાણો તમારો તાલુકો છે કે નહીં

ગાંધીનગર : મુખ્યમંત્રી વિજય રૂપાણીએ (Vijay rupani) વિધાનસભા ગૃહના (Leader of Assembly) નેતા તરીકે ચૌદમી વિધાનસભાના સાતમા સત્રના પ્રથમ દિવસે નિયમ-44 અન્વયે નિવેદનમાં રાજ્યના ધરતીપુત્રોને આ વર્ષે ખરીફ ઋતુમાં ભારે વરસાદથી થયેલ પાક નુકશાન (Crop Failure) સામે ઉદાર પેકેજની (Gujarat faremrs relief package) જાહેરાત કરી હતી. ચાલુ વર્ષે પણ ખરીફ ઋતુમાં કેટલાક તાલુકાઓમાં 19 સપ્ટેમ્બરની સ્થિતિએ થયેલ નુકશાન અંગે કૃષિ વિભાગ દ્વારા થયેલ સર્વેના આકલન સંદર્ભે રાજ્ય સરકાર દ્વારા વિચારણાને અંતે રાજ્યના 20 જિલ્લાઓના 123 તાલુકાના અંદાજીત 51 લાખ હેક્ટરથી વધુ વાવેતર વિસ્તાર પૈકી સહાયના ધોરણો મુજબ અંદાજીત 37 લાખ હેક્ટર વિસ્તાર સહાયને પાત્ર થશે. આ માટે 3700 કરોડ રૂપિયાનુ સહાય પેકેજ રાજ્યના ખેડુતોને નુકસાનીમાં મદદરૂપ થવા જાહેર કર્યુ છે. જેમાં 33% અને તેથી વધુ પાક નુકશાનીના કિસ્સામાં વધુમાં વધુ 2 હેક્ટર માટે રૂ. 10,000 પ્રતિ હેક્ટર સહાય ચુકવવામાં આવશે. વધુમાં ખેડુત ખાતેદાર ગમે તેટલી ઓછી જમીન ધરાવતા હોય તો પણ તેઓને ઓછામાં ઓછા રૂ. 5000 ચુકવવાનો નિર્ણય રાજ્ય સરકારે કર્યો છે. આ સહાય પેકેજથી રાજ્યના અંદાજીત 27 લાખ જેટલા ખેડુત ખાતેદારોને ખાતા દીઠ સહાયનો લાભ મળશે.

1. કચ્છ - અબડાસા ,અંજાર, ભચાઉ, ભુજ, ગાંધીધામ, લખપત, માંડવી, મુંદ્રા, નખત્રાણા, રાપર. 2. દેવભૂમિ દ્વારકા - ભાણવડ, દ્વારકા, કલ્યાણપુર , ખંભાળીયા 3. ભરુચ - આમોદ, અંક્લેશ્વેર, ભરુચ, હાંસોટ, જંબુસર, ઝગડીયા ,નેત્રંગ , વાગરા , વાલીયા. 4. પાટણ - ચાણસ્મા , હારીજ, રાધનપુર , સમી , સાંતલપુર, શંખેશ્વર. 5. અમદાવાદ - બાવળા, દેત્રોજ, ધંધુકા, ધોલેરા ધોળકા.

6. મોરબી - હળવદ માળીયા (મી.), મોરબી , ટંકારા, વાંકાનેરય 7. જૂનાગઢ - ભેસાણ , જુનાગઢ , કેશોદ , માળીયા (હા) માણાવદર, માંગરોળ , મેંદરડા , વંથલી, વિસાવદર , જૂનાગઢ સિટી. 8. અમરેલી - અમરેલી , બાબરા, બગસરા, ધારી, જાફરાબાદ, ખાંભા, લાઠી, લીલીયા, રાજુલા, સાવરકુંડલા, કુકાવાવ. 9. જામનગર - ધ્રોલ, જામજોધપુર, જામનગર, જોડીયા, કાલાવાડ , લાલપુર. 10. પોરબંદર - કુતિયાણા, પોરબંદર , રાણાવાવ.

11. રાજકોટ - ધોરાજી , ગોંડલ, જામકંડોરણા, જસદણ, જેતપુર, કોટડાસાંગાણી, લોધીકા, પડધરી, રાજકોટ, ઉપલેટા, વિછિયા. 12. ગીર સોમનાથ - ગીરગઢડા, કોડીનાર , સુત્રાપાડા , તાલાલા, ઉના, વેરાવળ. 13. મહેસાણા - બેચરાજી, કડી, મહેસાણા. 14. બોટાદ - બોટાદ, બરવાળા ,ગઢડા, રાણપુર. 15. સુરેન્દ્રનગર - ચોટીલા, ચુડા, દસાડા, ધ્રાંગધ્રા લખતર, લીંબડી, મુળી, સાયલા, થાનગઢ, વઢવાણ. (પ્રતિકાત્મક તસવીર)

16. ભાવનગર - ભાવનગર , ઉમરાળા, વલ્લભીપુર, જેસર, મહુવા, શિહોર. 17. સુરત - બારડોલી , મહુવા માંડવી (સુ), માંગરોળ, ઓલપાડ, ઉમરપાડા. 18. નવસારી - જલાલપોર. 19. નર્મદા - નાંદોદ. 20. આણંદ - સોજીત્રા, તારાપુર.