છોટાઉદેપુર છપ્પડ ફાડકે : બોડેલીમાં તો 16 ઈંચ વરસાદ, ઘર, દુકાન અને રસ્તા જળમગ્ન, જવું તો જવું ક્યાં

Chhotaudepur Heavy rain : વરસાદ માટે તરસતા છોટાઉદેપુર પર મેઘરાજાએ એવું હેત વરસાવ્યું કે હાલ ત્યાંના લોકો કહી રહ્યા છે હવે ખમૈયા કરો. કારણ કે જ્યાં રસ્તા હતા ત્યાં પાણી છે. સોસાયટીમાંથી નદી વહી રહી છે લોકોના ઘરમાં તળાવ બની ગયા છે. લોકો જાય તો જાય ક્યાં. મધ્ય ગુજરાત (madhya Gujarat) માં આવેલો છોટાઉદેપુર જિલ્લો આજે જળમગ્ન થઈ ગયો છે. રવિવાર વહેલી સવારથી ધોધમાર વરસાદ વરસતા સર્વત્ર પાણી પાણી થઈ ગયું. બે કલાકમાં 7 ઈંચ વરસાદ વરસતા બોડેલી (Bodeli Heavy rain) એ જાણે જળ સમાધિ લીધી હોય તેવા દ્રશ્યો સામે આવ્યા છે. નસવાડી (Nasvadi rain)  પાસેની અશ્વિન નદી બે કાંઠે વહેતી થતા છોટાઉદેપુરનું મોધલા ગામ સંપર્ક વિહોણું બન્યું છે. છોટાઉદેપુરના છ તાલુકામાં ધોધમાર વરસાદ વરસી રહ્યો છે. વડોદરાથી છોટાઉદેપુરનો જોડતો હાઈવે પાણીની અંદર ઘુસી ગયો છે.

છોટાઉદેપુરના બોડેલીમાં તો જાણે રીતસર આભ ફાટ્યું છે. બોડેલીમાં 10 કલાકમાં 16 ઇંચ વરસાદ વરસતા શહેર જાણે જલમગ્ન બન્યું છે. પાવી જેતપુરમાં 10 કલાકમાં 10 ઇંચ વરસાદ અને જાબુંઘોડા, ક્વાંટમાં 10 કલાકમાં 9 ઇંચ વરસાદ નોંધાયો છે.

તો છોટાઉદેપુરના નસવાડીના પલાસણી ગામે પૂલ તૂટ્યો છે. પલાસણીથી કાળીડોળી જવાનો પુલ બંધ કરવામાં આવ્યો છે. અશ્વિન નદીના ઘોડાપૂર પાણીમાં પુલનો એપ્રોચ ધોવાઈ જતા પુલ ને પણ નુકશાન ની શક્યતા, સ્થાનિક તંત્ર સતત ખડેપડે અનેક રસ્તા ઓ નસવાડી તાલુકા ના વરસાદ ને લઈ બંધ થયા છે.

આ બાજુ છોટાઉદેપુરના બોડેલીમાં બારે મેઘ ખાંગા થયા છે. અલીપુરા ચોકડી પાસે રોડ પર ગોઠણસમા પાણી ભરાઈ ગયા છે. વાહન ચાલકો, રાહદારીઓ પરેશાન થઈ ગયા છે. તો બોડેલીની અલીપુરા ચોકડી ઉપર પાણીનું સામ્રાજ્ય જોવા મળી રહ્યું છે. જ્યાં જુઓ ત્યાં જળબંબાકાળ જેવી સ્થિતિ સર્જાઈ છે. મેન બજારમાં દુકાનોમાં પાણી ફરી વળ્યા છે.

બોડેલી ડભોઇ હાઇવે બંધ કરવો પડ્યો. વરસાદ ને પગલે બોડેલી તાલુકાના નીચાણ વાળા વિસ્તારના રોડ રસ્તા પર પાણી તો કેટલાક ઘરો માં પાણી ઘુસ્યા. ઘરો માં પાણી ગુસ્તા પંચાયતની પ્રિ મોસુન કામગીરી પર લોકો એ ઉઠાવ્યા સવાલ. દિવાળ ફળિયાના અનેક મકાનમાં પાણી ઘુસી ગયા, લોકોની ઘરવખરીને ભારે નુકસાન.

છોટાઉદેપુરમાં સતત બીજા દિવસે મેઘમહેર યથાવત છે. સતત વરસાદને પગલે બોડેલી ગામના નીચાણ વાળા રહેણાક વિસ્તારોમાં પાણી ભરાતા લોકો મુશ્કેલીમાં મુકાયા છે. રસ્તા પર પાણી ભરાતાં રાહદારીઓ અને વાહનચાલકોને પણ મુશ્કેલીનો સામનો કરવો પડી રહ્યો છે.

બોડેલીના રામનગર, દીવાન ફળિયા, રજા નગર જેવા વિસ્તારોમાં વરસાદી પાણી ભરાયા છે. દીવાન ફળિયાની વાત કરવામાં આવે તો આ વિસ્તારના લોકો વર્ષોથી ચોમાસામાં પાણી ભરવાની સમસ્યાથી પીડાઈ રહ્યા છે. વિસ્તારના લોકોએ વારંવાર રજૂઆતો કરી હોવા છતાં પણ તેમની સમસ્યા જેમની તેમ જોવા મળી રહી છે.

બોડેલી તાલુકામાં સવારથી અવિરત વરસાદ ચાલુ છે, તેવામાં તંત્ર દ્વારા પરિસ્થિતિને લઈને નજર રાખવામાં આવી રહી છે. બોડેલી, ઢોકલીયા, અને અલીખેરવા ગામ પાણી પાણી, મકાનો, દુકાનો અને રસ્તામાં ભરાયાં પાણી  ઢોકલીયા ગામના રજા નગર વિસ્તારમાં પાણી ભરાયાં, કેટલાક મકાનો ડૂબી જતા જીવ બચવવા છત પર લોકો ચડ્યા, ૧૦૦ જેટલા ફસાયેલા લોકો ને સ્થાનિક લોકો એ બહાર કાઢ્યા, દીવાન ફળિયામાં હાલ કેટલાક લોકો ફસાયા, કેટલાક લોકો હાલ પણ ફસાયેલ છે.