Aus Vs Nz: ઓસ્ટ્રેલિયાના આ ખેલાડીએ ભારતીય પ્રેમિકા સાથે કરી છે સગાઈ, જાણો કોણે છે મેક્સવેલની મંગેતર

ઓસ્ટ્રેલિયાએ રવિવારે ટી-20 વર્લ્ડકપ જીતી ઈતિહાસ રચ્યો હતો. ઓસ્ટ્રેલિયાએ દુબઈમાં રમાયેલા T20 વર્લ્ડ કપ (T20 World Cup-2021)ની ફાઇનલમાં ન્યૂઝીલેન્ડને 8 વિકેટથી હરાવીને આ ફોર્મેટમાં પ્રથમ વખત વર્લ્ડ ટાઇટલ જીત્યું હતું. 14 વર્ષના ટી-20 વર્લ્ડકપના ઈતિહાસમાં પહેલીવાર ઓસ્ટ્રેલિયા ચેમ્પિયન બન્યું હતું. ઓસ્ટ્રેલિયાને ફોર મારીને જીતાડનાર ખેલાડી ગ્લેન મેક્સવેલ (Glenn Maxwell) આમ તો ખૂબ જાણીતો ઓલરાઉન્ડર છે. જોકે, બહુ ઓછા લોકો જાણતા હશે કે તેનું ભારત સાથે ખાસ કનેક્શન છે. મેક્સવેલની મંગેતર વીન્ની રમન ભારતીય મૂળની છે (Fiance of Glenn Maxwell Vini raman) કોરોનાના કારણે તેનું લગ્ન અટકી પડ્યું છે પરંતુ હવે વર્લ્ડકપ બાદ થાય તેવી શક્યતાઓ છે. ( (તસવીરો vini.raman instagram)

ગ્લેન મેક્સવેલે ગત વર્ષે માર્ચ મહિનામાં જ સગાઈ કરી છે. પોતાની સગાઈમાં મેક્સવેલે ભારતીય શેરવાની પણ પહેરી હતી અને ભારતીય અંદાજમાં સેલિબ્રેશન કર્યુ હતું. જોકે, કોરોના અન્ય લોકોની જેમ મેક્સવેલ માટે પણ વિલન બન્યો અને તેનું લગ્ન અટકી ગયું. હવે ઓસ્ટ્રેલિયા વર્લ્ડ ચેમ્પિયન બનતા મેક્સવેલ ગમે ત્યારે લગ્ન કરી લેશે.

મેક્સવેલની મંગેતર વીન્ની રમન ઓસ્ટ્રેલિયામાં રહેતા તમિલ પરિવારની દીકરી છે. વિન્નીનું ભણતર વિક્ટોરીની મેન્ટોને ગર્લ્સ સ્કૂલમાંથી થયું હતું તેણે મેડિકલ સાયન્સનો અભ્યાસ કર્યો હતો.

અહેવાલો મુજબ વીન્ની રમન અને ગ્લેન મેક્સવેલ મેલબોર્નમાં મળ્યા હતા. તેમની પહેલી મુલાકાત વર્ષ 2013માં થઈ હતી અને ત્યારબાદ બંને વચ્ચે પ્રેમ સંબંધ બંધાયો હતો.

બંને વચ્ચે વર્ષ 2017થી ડેટિંગ શરૂ થઈ હતી અન ત્યારબાદ તેમણે આ પ્રેમ સંબંધ આગળ વધાર્યો હતો. મેક્સવેલે વીન્નીને પ્રપોઝ કર્યુ હતું અને ત્યારબાદ તેમણે હંમેશા માટે સાથે જીવવાનું નક્કી કર્યુ હતું.

21 ફેબ્રુઆરી 2020ના રોજ ગ્લેન મેક્સવેલની સગાઈ થઈ હતી. જોકે, ત્યારબાદ કોરોનાનો કહેર આવી ગયો અને ઓસ્ટ્રેલિયામાં લોકડાઉન થયું હતું. હવે વર્લ્ડકપ બાદ તે ગમે ત્યારે માર્ચ એપ્રિલમાં લગ્ન કરી શકે છે.