Gujarat Weather Forecast: હવામાન નિષ્ણાત અંબાલાલ પટેલની આગાહી, કાતિલ ઠંડી બાદ શેકાઈ જવાય તેવી ગરમી પડશે

વિભુ પટેલ, અમદાવાદઃ રાજ્યમાં કમોસમી વરસાદ ત્યાર બાદ વહેલી સવારે અને રાત્રે બરફીલી ઠંડીનો અનુભવ થઈ રહ્યો છે. જોકે આ ગામી સમયમાં  ઠંડીથી રાહત મળશે. આગામી 4 દિવસ ઠંડીમાંથી આંશિક રાહત મળશે. રાજ્યમાં ઉત્તર પૂર્વના પવનો ફૂંકાઈ રહ્યા છે. જેના કારણે તાપમાનમાં 2થી 3 ડિગ્રીનો વધારો થશે. આજ કારણે ઠંડીમાં આંશિક વધારો થવાની સંભાવના વ્યક્ત કરવામાં આવી રહી છે. વેસ્ટન ડિસ્ટર્બન સક્રિય થશે તેના લીધે પણ તાપમાન ઊંચું જશે.

ઠંડીમાં આંશિક ઘટાડો થવા અંગે હવામાન નિષ્ણાત અંબાલાલ પટેલે અનુમાન કર્યું છે. આજના દિવસે રાજ્યમાં ઠંડીનું જોર યથાવત રહેશે. આજે પણ  10 ડિગ્રીની આસપાસ તાપમાન રહેશે. અને મધ્ય ગુજરાતના ભાગોમાં અને અમદાવાદમાં લઘુતમ તાપમાન 11 ડિગ્રી રહેવાનું અનુમાન છે. ફેબ્રુઆરીની શરૂઆતમાં વાદળછાયું વાતાવરણ રહેશે. તેમજ દક્ષિણ ગુજરાતમાં લઘુત્તમ તાપમાન થોડું વધુ રહી શકે છે.

ઠંડીએ આ વખતે મોડા-મોડા થથરાવ્યા બાદ હવે ધીમે-ધીમે ગરમી જોર પકડશે એને ફેબ્રુઆરીના અંત સુધીમાં લઘુત્તમ તાપમાનનો પારો 40 ડિગ્રીની એકદમ નજીક પહોંચી જવાની સંભાવના વ્યક્ત કરવામાં આવી રહી છે.

ફેબ્રુઆરીના બીજા સપ્તાહથી ગરમી જોર પકડશે અને મહત્તમ તાપમાન 36 ડિગ્રી આસપાસ પહોંચી જશે.19 થી 20 ફેબ્રુઆરીએ મહત્તમ તાપમાન વધતું જશે. અને ફેબ્રુઆરીના અંત સુધીમાં મહત્તમ તાપમાન 38 ડિગ્રી થઈ થવાની શકયતા રહેશે.

હવામાન નિષ્ણાત અંબાલાલ પટેલનું અનુમાન છે કે આ વર્ષે ઉનાળો આકરો રહેશે. જ્યારે માર્ચ મહિનામાં આકરી ગરમી રહેશે. 4 માર્ચથી ગરમીમાં વધારો થશે. માર્ચ મહિનામાં 40 ડિગ્રી તાપમાન પહોંચી જશે. 25થી 26 માર્ચના દરિયા કિનારે ભારે પવન ફૂંકાશે.

13 થી 14 માર્ચમાં હવામાનમાં પલટો આવશે. 18 માર્ચથી ગરમી વધશે. 26 માર્ચ આસપાસ વાદળો સર્જાશે. 25 થી 26 દરિયા કિનારે પવનનું જોર રહેશે. માર્ચ મહિનામાં ગરમી, વાદળ છાયું વાતાવરણ, દરિયા કિનારે પવન અને હવામાનમાં પલટા ઘણા આવશે.

આ વખતે માર્ચ મહિનામાં ગરમીમાં આકરો રહેશે. 18 માર્ચથી 25 એપ્રિલ વચ્ચેનું હવામાન બગડે છે. વૃદ્ધ બાળકો માટે તંદુરસ્ત રહેવા  માટે પગલાં લેવા જરૂરી રહેશે. 18થી 25 એપ્રિલમાં  બેવડીઋતુનો અહેસાસ થશે. બેવડી ઋતુના કારણે કૃષિ પાક અને લોકોના સ્વાસ્થ્ય પર અસર પહોંચશે.