ના જીમ કે ના યોગા, માત્ર પાણી પીવાથી ઉતરશે ચરબી!

શું પાણી પીવાથી ચરબી ઉતરે ખરી? વજન ઉતરે ખરૂ? ભલે આ વાત મજાક લાગતી હોય, પરંતુ આ સત્ય હોવાનો બર્મિઘમ વિશ્વવિદ્યાલયના વૈજ્ઞાનિકોએ દાવો કર્યો છે. પાણીનું યોગ્ય રીતે સેવન કરવામાં આવે તો વધતા વજનને રોકી શકાય એમ છે. એટલું જ નહીં વજન પણ ઘટાડી શકાય એમ છે. પાણી પીવાથી કેવી રીતે વજન ઉતારી શકાય, જોવો તસ્વીરો

બર્મિઘમ વિશ્વ વિદ્યાલયના વૈજ્ઞાનિકના જણાવ્યા અનુસાર ખાધા પહેલા અડધો લિટર પાણી પીવામાં આવે તો વજન ઘટાડી શકાય છે. શોધકર્તાઓના માનવા મુજબ જો યોગ્ય રીતે આ પાલન કરવામાં આવે તો માત્ર 12 સપ્તાહમાં એટલે કે ત્રણ મહિનામાં જ 4.3 કિલો વજન ઓછું કરી શકાય એમ છે.

આ રિસર્ચના જણાવ્યા અનુસાર જો ડાયેટીંગ કરી રહેલા લોકો ખાધા પહેલા અડધો લિટર પાણી પીવે તો વજન પર કાબુ મેળવવો આસાન છે. પરંતુ જે લોકો આને સતત નથી કરતા એમને ફાયદો ઓછો થશે. રિસર્ચમાં જોડાયેલા જે લોકો દિવસમાં એક વાર ખાતા પહેલા પાણી પીવે છે એમનું વજન ઓછું થયું પરતંુ માત્ર 800 ગ્રામ જેટલું જ.

આ સંશોધન કરનાર શોધકર્તાઓનું કહેવું છે કે, સાદા પાણીમાં વજનને કાબુમાં રાખવાનો ગુણ છે. જેના પુરાવા વૈજ્ઞાનિક તપાસમાં મળે છે. પરંતુ કેટલું વજન ઓછું થાય છે. એ કહી શકાતું ન હતું. પરંતુ આ સંશોધનથી આ પણ સાબિત થયું છે.

આ રિસર્ચમાં માત્ર પાણીના સેવન પર જ ધ્યાન આપવામાં આવ્યું હતું. આ રિસર્ચમાં ઉકાળેલું પાણી, સોડા અને મીઠાના પરિણામો તપાસાયા ન હતા. આ રિસર્ચને જાણીતા વૈજ્ઞાનિક હેલેન પરેટીની દેખરેખ હેઠળ કરાયું હતું.