સોમનાથ: મિત્રએ જ મિત્રનાં ઘરમાં એક, બે નહીં પરંતુ 21 તોલાની કરી ચોરી, આ રીતે ઝડપાયો

દિનેશ સોલંકી, ગીર સોમનાથ: સોમનાથના વેરાવળમાં પોતાના જ મિત્રએ ઘરમાં હાથ સાફ કરી લેવાની ઘટના સામે આવી છે. એક સમયના ભાગીદારીના ધંધાર્થી અને બાદમાં અલગ થતાં રૂપિયાની સંકળામળના કારણે પોતાના જ મિત્રના ઘરમાં હાથ સાફ કરી 21 તોલા સોનું લઈ ફરાર થયો. જોકે, સ્થાનિક પોલીસે ગણતરીના દિવસોમાં જ દબોચી લીધો હતો.

ગીર સોમનાથ જિલ્લાના વેરાવળ સીટી પોલીસ સ્ટેશનના, જ્યાં એકાદ મહિના પહેલા વેરાવળ શહેરમાંજ રહેતા એક યુવાને પોતાના ઘરમાં ચોરી થયાની ફરિયાદ નોંધાવી. જેમાં પોતાના રેઢા ઘરમાંથી 21 તોલા સોનું ચોરાયું. જોકે ત્યાર બાદ ગીર સોમનાથ જિલ્લા પોલીસ સહિત લોકલ ક્રાઇમ બ્રાન્ચે પોતાના ચક્રો ગતિમાન કર્યા.

પોલીસ દ્વારા આ મોટી ચોરીના આરોપીને ઝડપવા 70 જેટલા સીસીટીવી ચેક કર્યા. જેમાં બાઈકના નંબર પરથી આરીફ મોગલ નામના એક યુવકને પોલીસે ઝડપ્યો હતો. પોલીસની આકરી પૂછપરછ માં આરીફ ભાંગી પડ્યો હતો અને પોતે ચોરી કર્યાની પોલીસ પાસે કબુલાત કરી હતી.

એક સમયના સાથી ધંધાર્થી અને વેરાવળ સોમનાથ ટોકીઝ વિસ્તારમાં રહેતા મહમદભાઈ આજથી થોડા વર્ષ પૂર્વે જ પોતાની સાથે ભાગીદારીમાં વેપાર કરતાં આરીફ નામના વ્યક્તિએ અલગ ધંધો કર્યો હતો.

પરંતુ તેમાં ફાયદો ન થતાં પોતાના પૂર્વ ભાગીદારના ઘરમાં જ પરિવારજનો સુરત ખાતે પ્રસંગમાં જતા રેઢા ઘરમાં મોકાનો લાભ ઉઠાવી 21 તોલા સોનાના દાગીના તેમજ સવા લાખ રૂપિયા રોકડો ચોરાયાની હકીકત બહાર આવી.

આ રીતે પોતાના પૂર્વ ભાગીદારના ઘરમાંથી ચોરેલા 21 લાખના સોનાના દાગીના તેમજ સવા લાખ રૂપિયાના રોકડા સહિત મળી તમામ વસ્તુઓમાંથી હાલ પોલીસને 6,65,000 ના સોનાના દાગીના અને 80 હજાર રૂપિયા રોકડા મળી આવતા કબજે કરેલ છે. તેમજ બાકીના દાગીના તેમજ પૈસા બાબતે પોલીસ હાલ તપાસ ચલાવી રહી છે.