લ્યો…હવે ગાંધીનગરમાં શરુ થઇ મોબાઇલ લાઇબ્રેરી, જે સામે ચાલીને આવશે તમારા આંગણે 

ગાંધીનગર: હવે ગાંધીનગર વાસીઓએ લાઇબ્રેરી શોધતા નહી જવું પડે, કારણ કે હવે લાઇબ્રેરી સામે ચાલીને તેમના આંગણે આવશે. જી હા...ગાંધીનગર મહાનગરપાલિકા દ્વારા વેસ્ટમાંથી બેસ્ટ, કચરાના બંધ વાહનને મોડિફાઇડ કરીને નગરજનોને વધુ એક મોબાઇલ લાઇબ્રેરીની ભેટ આપવામા આવી છે.

ગાંધીનગર મહાનગરપાલિકા દ્વારા વેસ્ટમાંથી બેસ્ટનો નવતર પ્રયોગ કરવામાં આવ્યો છે. કચરાના બંધ વાહનને રીપેર તથા મોડિફાઇડ કરીને મોબાઇલ લાઇબ્રેરીમાં તબદીલ કરવામાં આવ્યું છે. જેથી મહાનગરપાલિકા દ્વારા વધુ એક મોબાઇલ લાઇબ્રેરી સેવા શરૂ કરવામાં આવી છે.

આ લાઇબ્રેરીનું ઉદ્ધાટન મેયર હિતેષભાઈ મકવાણા દ્વારા કરવામાં આવ્યું હતું. આ પ્રસંગે સ્ટેન્ડિંગ કમિટીના ચેરમેનજશવંત પટેલ, ડે. મેયર પ્રેમલસિંહ ગોલ, મ્યુનિસિપલ કમિશનર સંદીપ સાગલે, તેમજ મહાનગરપાલિકાના અધિકારીઓ તેમજ કર્મચારીઓ ઉપસ્થિત રહ્યા હતા.

વાંચનપ્રેમીઓ નજીવી ફી ભરી મેમ્બરશીપ લઈ શકશે તેમજ વિવિધ 7000થી વધારે પુસ્તકોના વાંચનનો લાભ લઈ શકશે. આ બંને લાઇબ્રેરી શહેરના વિવિધ વિસ્તારોમાં નીચે જણાવેલ નિયત સ્થળે અને સમયે ઉભી રહેશે.

આ પુસ્તકાલય તેના રૂટ પર દર 15 દિવસે એકવાર નિશ્ચિત સ્થળે પહોંચશે અને ત્યાં બે કલાક રોકશે.જે કોઇએ આ લાઇબ્રેરી નો લાભ લેવો હશે - તે લઇ શકશે અને સજેશન પણ આપી શકશે. સજેશન અનુસાર તમામ લોકોની અપેક્ષા અનુસાર નવા પુસ્તકો પણવસાવાશે.

આ મોબાોઇલ લાઇબ્રેરીનો સૌથી વધુ ફાયદો સિનિયર સિટીઝનોને થશે કેમકે, તેઓને હવે પુસ્તકો લેવા લાઇબ્રેરી સુધી લાંબા નહી થવુ પડે. જ્યારે પણ તેમના વિસ્તારમાં પુસ્તક મોબાઇલ વાન આવશે. ત્યારે તેઓ પુસ્તક લઇ શકશેને પાછા આપી શકશે. આ સિવાય જેઓ વધારાના પુસ્તકોનું દાન કરવા માંગતા હોય તેમનું પુસ્તક દાન પણ સ્વીકારવામાં આવશે.