તેલુગુ ફિલ્મ સ્ટાર નંદમુરી હરિકૃષ્ણાનું માર્ગ અકસ્માતમાં મોત

તેલુગુ ફિલ્મ સ્ટાર અને પૂર્વ રાજ્યસભા સંસદ નંદમુરી હરિકૃષ્ણાનું બુધવારે સવારે માર્ગ અકસ્માતમાં મોત થયું છે. નંદમુરી હરિકૃષ્ણા આંધ્ર પ્રદેશના મુખ્યમંત્રી ચંદ્રબાબુ નાયડુના સાળા છે.

નંદમુરી હરિકૃષ્ણ ટીડીપી સંસ્થાપક એનટી રામા રાવના પુત્ર છે. તેમણે હૈદરાબાદની કોમિનેની હોસ્પિટલમાં છેલ્લો શ્વાસ લીધો હતો.

નંદરમુરી હરિકૃષ્ણાના મોતથી તેલુગુ ફિલ્મ જગત અને આંધ્રપ્રદેશના રાજકીય દુનયામાં મોટું નુકસાન પહોંચ્યું છે.

પ્રાપ્ત માહિતી પ્રામાણે નાલગોંડા જિલ્લાના નારકેપલ્લી- અદાંકી હાઇવે ઉપર બુધવારે સવારે એક માર્ગ અકસ્માતમાં તેમનું મોત થયું છે.

આ અકસ્માત ત્યારે થયો જ્યારે તેઓ પોતાની કારથી અન્નપર્થીની પાસે મુસાફરી કરી રહ્યા હતા.

નંદમુરી હરિકૃષ્ણાને હૈદરાબાદના બહારના વિસ્તારમાં આવેલી કામિનેની હોસ્પિટલમાં લઇ જવાયા હતા. જ્યાં તેમનું સારવાર દરમિયાન મોત નીપજ્યું હતું.

આ ઘટનામાં અન્ય બે લોકો ગંભીર રીતે ઘાયલ થયા હતા જેમને સારવાર માટે ખસેડવામાં આવ્યા હતા.