'એવેન્જર્સ એન્ડગેમ'ની ભારતમાં તાબડતોબ કમાણી, આંકડો 300 કરોડને પાર

બોક્સ ઓફિસ પર માર્વેલ સ્ટૂડિયોની હોલિવૂડ ફિલ્મ એવેન્જર્સ એન્ડગેમએ ધમાલ મચાવી દીધી છે. બીજા અઠવાડિયા સુધી ભારતમાં આ ફિલ્મે 312.95 કરોડની કમાણી કરી છે. સાથે જ ફિલ્મે ભારતમાં સંજૂ, દંગલ, ટાઇગર ઝિંદા હૈ જેવી ફિલ્મ્સનો પહેલાં વીકનો રેકોર્ડ પણ તોડી નાખ્યો છે.

ટ્રેડ એનાલિસ્ટ તરણ આદર્શની ટ્વિટ પ્રમાણે, 26 એપ્રિલના રોજ રિલીઝ થયેલી આ ફિલ્મે પહેલાં અઠવાડિયે 260 કરોડની કમાણી કરી હતી અને બીજા અઠવાડિયે 52.25 કરોડનું કલેક્શન કર્યું છે.

'એવેન્જર્સ એન્ડગેમ' ભારતમાં 300 કરોડની કમાણી કરનાર પહેલી હોલિવૂડ ફિલ્મ બની છે.

'એવેન્જર્સ એન્ડગેમ' વિશ્વમાં બીજા નંબરની સૌથી વધુ કમાણી કરનારી ફિલ્મ બની છે. બીજા વીકેન્ડ સુધી આ ફિલ્મે દુનિયામાં 2.188 બિલિયન ડોલરની કમાણી કરી છે. આ લિસ્ટમાં પહેલાં સ્થાને 2009માં રિલીઝ થયેલી 'અવતાર' છે, જેણે 2.788 બિલિયન ડોલરની કમાણી કરી હતી.