Pictures: 6000 ફૂટની ઊંચાઈએ બની છે આ હોટેલ, દૂર-દૂર સુધી ફેલાયેલી છે બરફની ચાદર અને પરમ શાંતિ

અલાસ્કાના રુથ ગ્લેશિયર (Ruth Glacier, Alaska) વચ્ચે બનાવવામાં આવેલી આ હોટેલ સૌથી દૂરના વિસ્તારમાં બનેલી પહેલી હોટેલ છે. Don Sheldon Amphitheatre નામની ગ્લેશિયર વેલીમાં આવવા માટે સ્કી એક્વીપ્ડ પ્લેન સિવાય બીજો કોઈ રસ્તો નથી. અહીં પ્રાઈવેટ હેલિકોપ્ટરથી પણ પહોંચી શકાય છે.

60 લાખ એકરમાં ફેલાયેલા અલાસ્કાના ગ્લેશિયરવાળા વિસ્તારમાં બરફ સિવાય રીંછ, મૂઝ (એક જાતનું હરણ), વરુ જેવા પ્રાણીઓ જોવા મળે છે. આ હોટેલ જે જગ્યા પર બની છે, ત્યાં પહોંચવું પણ સરળ નથી. તમે જ વિચારો કે 6000 ફૂટની ઊંચાઈએ હોલિડે મનાવવા જવું કોઈ સરળ વાત છે?

આ હોટેલને રોબર્ટ અને કેટ શેલ્ડને વર્ષ 2018માં બનાવી હતી. હોટેલનું નામ તેમણે પોતાના પિતાના નામ પર રાખ્યું હતું. દુનિયાના રિમોટ એરિયામાં હોટેલ બનતા જ એ ગ્લોબલ હેડલાઇન્સમાં આવી ગઈ હતી.

હવે જરા આ હોટેલમાં ત્રણ દિવસ રહેવાનું ભાડું પણ સાંભળી લો. આમ તો તમને અંદાજો આવી ગયો હશે કે જ્યાં લોકો સ્ટે માટે પ્રાઈવેટ હેલિકોપ્ટરથી આવે છે, એ જગ્યા બિલકુલ સસ્તી નહીં હોય. અહીં 3 દિવસ રહેવા માટે $35,000 એટલે કે 26 લાખથી પણ વધુ રકમ ખર્ચવી પડે છે.

અહીં રહેવા માટે એક કપલનું રેન્ટ 26 લાખથી થોડું વધુ થશે. તેમાં હેલિકોપ્ટર શટલ સર્વિસ, ડાઈનિંગ, સ્લાઈડિંગ, ગ્લેશિયર ટ્રેકિંગ અને માઉન્ટેનિયરીંગનો ખર્ચ પણ સામેલ છે.

હોટેલનું ભાડું સાંભળીને ઘણાંને ચક્કર આવી ગયા હશે, પણ એ વાત માનવી પડશે કે દુનિયાના સૂમસામ ખૂણામાં રહેવાની અલગ જ મજા છે. તો કમ સે કમ બકેટ લિસ્ટમાં અલાસ્કાની Sheldon Chalet હોટેલને નાખી શકાય છે.

અહીં એક વખતમાં ફક્ત 10 લોકોના રહેવાની વ્યવસ્થા થાય છે. દિવસમાં સુંદર બરફાચ્છાદિત પહાડોને જોવાનો લ્હાવો મળે છે તો રાતે અચંબિત કરતો અદભુત નજારો જોવા મળે છે. રૂફટોપ પર બાથ અને ચિલ કરવા માટે સ્પેસ છે. હોટેલમાં જમવાનું અલાસ્કન શેફ બનાવે છે. તમને જણાવી દઈએ કે હોટેલ બનાવવાની પરમિશન લેવામાં જ તેના માલિકોને દસ વર્ષ લાગી ગયા. (All Photos credit- Facebook/Sheldon Chalet)