આ છે દુનિયાનું સૌથી ઊંચું સ્વિમિંગ પૂલ, જમીનથી 200 મીટરની ઉંચાઈએ તરવાનો અનોખો અનુભવ

અહીંથી 360 ડિગ્રી (Swimming Pool With 360 Degree Views)નો નજરો જોયા બાદ કોઇપણ તેની સુંદરતાથી મોહિત થઈ ઉઠશે. ઔરા સ્કાયપૂલ ઇન્ફિનિટી પૂલ (World’s Highest Infinity Swimming Pool) જેવી તરવાની જગ્યા દુનિયામાં બીજે ક્યાંય નથી. આ પૂલ અરેબિયન ગલ્ફ હોરાઇઝન પર બનેલું છે અને તે આ પ્રકારનું પહેલું સ્વિમિંગ ડેસ્ટીનેશન છે.

ઔરા સ્કાયપૂલ ઈન્ફિનિટી પૂલ (World’s Highest Infinity Swimming Pool) પરથી દુબઈનો જે સુંદર નજારો જોઈ શકાય છે તે મુલાકાતીઓ માટે વિઝ્યુઅલ ટ્રીટ છે. આ પૂલ જમીનથી 200 મીટરની ઊંચાઈએ હવામાં બનાવવામાં આવ્યો છે.

અહીં આવનારા મુલાકાતીઓ ત્રણ અલગ-અલગ સેશન બુક કરી શકે છે - સવારનું સેશન, સનસેટ સેશન અને આખા દિવસની મુલાકાત. આ તમામ મુલાકાતો માટે અલગ-અલગ રેટ રાખવામાં આવ્યા છે. જે 3000 રૂપિયાથી શરૂ થાય છે અને 8000 રૂપિયા સુધી જાય છે.

દરેક ટિકિટ સાથે સનબેડ અને બેસ્પોક વેલકમ પેક ઉપલબ્ધ છે. તેમાં પૂલના લાઉન્જ માટે પણ એક્સેસ આપવામાં આવે છે. આ સ્વિમિંગ પૂલ પામ ટાવરના 50મા માળે બનાવવામાં આવ્યો છે. પામ ટાવર નામની આ ગગનચુંબી બિલ્ડિંગ દુબઈના પામ જુમેરાહ આઈલેન્ડ પર બની છે, જ્યાં આ સ્વિમિંગ પૂલ બનાવવામાં આવ્યો છે. આ પૂલ 750 મીટર સ્ક્વેર લાઉન્જ સ્પેસમાં બનાવવામાં આવ્યો છે. જ્યાં મુલાકાતીઓ 360 ડિગ્રી વ્યૂનો આનંદ માણી શકે છે.

પૂલની ઉપર પણ બે માળ બનાવવામાં આવ્યા છે, જ્યાંથી પ્રવાસીઓ નીચેનો નજારો જોઈ શકે છે. અહીં સેન્ટ રેજીસ હોટેલ છે, જેમાં મુલાકાતીઓ માટે 300 રૂમમાં રહેવાની વ્યવસ્થા છે. આ લોકો માટે પૂલ સવારે 10 વાગ્યાથી સનસેટ સુધી ખોલવામાં આવે છે.

જો તમે 200 મીટરની ઊંચાઈએ હવામાં નહાવાનો આનંદ માણવા માંગતા હો તો આ જગ્યા એકદમ પરફેક્ટ છે. (All Photos Credit- Aura Sky Pool)