Death of Sultan Bull: લાખો રૂપિયામાં વેચાતું હતું ‘સુલ્તાન’નું સ્પર્મ, જાણો શું હતો ખોરાક

Death of Sultan Bull: હરિયાણાના (Haryana) કૈથલ જિલ્લામાં (Kaithal District) એક એવો પાડો (Bull) હતો જેના શોખ પણ નવાબી હતા. થોડાક દિવસ પહેલા હાર્ટ અટેક (Heart Attack) આવવાથી તેનું મોત થયું. આ પાડાનું નામ હતું સુલ્તાન (Sultan Bull). કૈથલના બુઢાખેડા ગામના સુલ્તાન પાડાએ કૈથલ ઉપરાંત સમગ્ર હરિયાણાનું નામ રોશન કર્યું હતું. તેના માલિક નરેશનું કહેવું છે કે સુલ્તાન જેવા ન કોઈ હતો અને કદાચ ભવિષ્યમાં ન કોઈ હશે. તેના કારણે આજે સમગ્ર ઉત્તર હરિયાણામાં લોકો અમને ઓળખે છે.

સુલ્તાનના સીમનથી લાખોની કમાણી થતી હતી. સુલ્તાન એક વર્ષમાં 30 હજાર સીમનના ડોઝ આપતો હતો, જે લાખો રૂપિયામાં વેચાતા હતા. સુલ્તાન વર્ષ 2013માં યોજયેલી રાષ્ટ્રીય પશુ સૌંદર્ય પ્રતિયોગિતામાં ઝજ્જર, કરનાલ અને હિસારમાં રાષ્ટ્રીય વિજેતા રહી ચૂક્યો છે.

રાજસ્થાનના પુષ્કર મેળામાં એક પશુ પ્રેમીએ સુલ્તાનની કિંમત 21 કરોડ રૂપિયા લગાવી હતી, પરંતુ નરેશે કહ્યું કે સુલ્તાન તેમનો દીકરો છે અને દીકરો અમૂલ્ય હોય છે. નરેશ તથા તેમના ભાઈ સુલ્તાનની દેખરેખ પોતાના દીકરાની જેમ જ કરતા હતા.

નરેશે સુલ્તાનને નાનપણથી ઉછેર્યો હતો. તેને પોતાના બચ્ચાની જેમ પ્રેમ આપ્યો, પરંતુ આજે તેના નિધન બાદ પરિવારમાં મોટી ખોટ અનુભવાય છે. ખાલી ખુંટો નરેશને દુઃખી કરે છે. દરેક વખતે બસ તેની તસવીરને જોયા કરે છે. તેના એવોર્ડને જોયા કરે છે.

નરેશ બેનિવાલે જણાવ્યું કે, સુલ્તાન સવારના નાસ્તામાં દેશી ઘી અને અને દૂધ પીતો હતો. સુલ્તાનના સ્પર્મથી લાખોની કમાણી થતી હતી. સુલ્તાન એક વર્ષમાં 30 હજાર સીમનના ડોઝ આપતો હતો.

પશુ મેળામાં તહેલકો મચાવનાર સુલ્તાને નરેશ તથા તેમના પરિવારને એટલા ઇનામ અપાવ્યા છે કે આજે દરેક લોકો તેમને સુલ્તાનના કારણે ઓળખે છે. દરેક પ્રતિયોગિતામાં સુલ્તાને સિદ્ધિ પ્રાપ્ત કરી છે. ત્યાં સુધી કે હરિયાણાના મ્યૂઝિક આલ્બમમાં પણ સુલ્તાને પોતાની ભૂમિકા અદા કરી છે!

નરેશનું કહેવું છે કે સુલ્તાનના જવાથી તેઓ એટલા દુઃખી છે કે તેની યાદ દિલથી જતી જ નથી. હવે તેઓ પ્રયાસ કરશે કે કોઈ બીજા પાડાને ઉછેરીને તેને સુલ્તાન જેવો બનાવશે, પરંતુ તેની ખોટ તો જીવનભર રહેશે.