Viral pictures: બાળકો માટે મા આ રીતે સજાવે છે જમવાની પ્લેટ, બસ જોતાં રહી જશો!

બાળકો માટે જમવાનું (Food Recipe for Children) તૈયાર કરવું જેટલું મુશ્કેલ હોય છે, એટલું જ મુશ્કેલ હોય છે એ જમવાનું બાળકોના પેટમાં પહોંચાડવાનું! જમવામાં લગભગ બધા બાળકો આનાકાની કરતા હોય છે. એવામાં તેમને હેલ્ધી ખવડાવવું એ મમ્મીઓ માટે મોટું ટાસ્ક હોય છે. બેલ્જિયમ (Belgium)ની એક મા સાથે પણ આવું જ કંઈક બન્યું, જેના પછી તેણે બાળકોને જમાડવા માટે અત્યંત ક્રિએટિવ પદ્ધતિ (Creative way to feed children) શોધી કાઢી. (Image- Instagram @demealprepper)

બેલ્જિયમની જોલાન્ડા સ્ટોકરમેન્સ (Jolanda Stokkermans) બાળકોને ખોરાક તરફ આકર્ષિત કરવા માગતી હતી, એવામાં તેમણે ફૂડ પ્લેટ ડેકોરેટ કરવાની શરુ કરી દીધી. તે જમવાની પ્લેટને બહુ આકર્ષક અને સુંદર રીતે સજાવે છે જેને જોઈને દરેકને આશ્ચર્ય થાય છે. (Image- Instagram @demealprepper)

જોલાન્ડાએ પ્લેટમાં જંગલી જાનવરોના ફોટોઝ બનાવીને ફૂડને પ્રેઝન્ટ કરવાનું શરુ કર્યું. આ પ્લેટ તેમના માટે કોઈ કેનવાસ જેવી હોય છે તેમાં હેલ્ધી ફૂડ (Healthy Food) રાખીને તે કંઈક એવી રીતે કલાકારી કરીને સજાવે છે કે તે અસલી જાનવર જેવા જ લાગે છે. (Image- Instagram @demealprepper)

પ્લેટમાં સિંહથી લઈને ઘુવડ અને ઘોડા સુધીના પ્રાણીઓ જોલાન્ડા એ રીતે બનાવે છે જાણે ખાદ્ય પદાર્થો નહીં પણ રંગોનો ઉપયોગ થયો હોય. હવે કહો આ જોઈને કોણ બાળક ખુશ નહીં થાય. (Image- Instagram @demealprepper)

ખાસ કરીને ઘોડાનો ચહેરો જોઈને તમે એ ચક્કરમાં પડી જશો કે આ ખરેખર અસલી ઘોડો છે કે નહીં. તેમણે આ ક્રિએટીવીટીનો ઉપયોગ બિઝનેસમાં પણ કરી નાખ્યો છે અને તેઓ ફૂડ પ્રોડકટ્સ વેંચે છે. (Image- Instagram @demealprepper)

Instagram પર તે સુંદર ફૂડ આર્ટના ફોટોઝ નાખે છે, જેને જોઈને કોઇપણ દંગ રહી જાય. આ જ મજેદાર ફૂડ પ્રોડક્ટ વેંચીને તે બાળકોને આરોગ્યપ્રદ ખોરાક ખાવા તરફ આકર્ષિત કરે છે. (Image- Instagram @demealprepper)

બ્રેડ, અલગ-અલગ રંગના સ્પ્રેડ અને ક્રીમનો ઉપયોગ કરીને તે એકથી એક સુંદર ચીજો પ્લેટ પર બનાવી નાખે છે. ખાસ વાત એ છે કે તે આ ફૂડ આર્ટ દરમ્યાન બાળકોના પોષણનો પણ ખ્યાલ રાખે છે. (Image- Instagram @demealprepper)