આ ભાઇસાહેબને જોઇને તમે જ કહેશો.. 'મૂંછે હો તો રામ સિંહ જેસી.. વરના ના હો'

સદીનાં મહાનાયક અમિતાભ બચ્ચન 'શરાબી' ફિલ્મનો એક ડાઇલોગ છે. 'મૂછે હો તો નત્થુલાલ જેસી હો, વરના ના હો' આ વાત તો ફિલ્મી દુનિયાની છે પણ રિઅલ લાઇફમાં રાજસ્થાનનાં જયપુરનાં રામ સિંહ ચૌહાણને જોઇને સૌ કોઇ કહે છે કે મૂછેં હો તો રામ સિંહ જેસી હો.. વરના ના હો. જી હાં. રામ સિંહની મૂંછો દુનિયાની સૌથી લાંબી મૂંછો છે.

તેમની ચૌદ ફૂટ લાંબી મૂંછો ગિનીઝ બૂક ઓફ વર્લ્ડ રેકોર્ડમાં દાખલ છે. તેમણે 2010માં તેમની મૂંછો માટે ઇનામ પણ જીત્યુ હતું. રામ સિંહ તેમની મૂંછોને ક્યારેય કપાવતા નથી. તે મૂંછો પર કોપરાનું તેલ, ઘી અને બદામનાં તેલથી માલિશ કરે છે.

તો મૂંછો પર રામસિંહે આજદિવસ સુધી સાબુ નથી લગાવ્યો. તેને ધોવા માટે તે હમેશાં મુલ્તાની માટીનો ઉપયોગ કરે છે.

62 વર્ષિય રામ સિંહ ચૌહાણે વર્ષ 1970થી તેમની મૂંછો કાપી નથી. દુનિયામાં સૌથી લાંબી મૂંછો હોવાને કારણે તે ગિનીઝ બૂક ઓફ વર્લ્ડ રેકોર્ડમાં પણ તેમનું નામ દાખલ છે.

તેમનું નામ વર્ષ 2010માં તે સમયે નોંધવામાં આવ્યું હતું જ્યારે તેમની મૂંચો 14 ફૂટ લાંબી હતી. હવે તે વધીને 18 ફૂટ થઇ ગઇ છે. આ રેકોર્ડ અત્યાર સુધી કોઇએ નથી તોડ્યો.

છેલ્લા 37 વર્ષથી તેઓ તેમની મૂંછોની ખાસ કાળજી લે છે. તે દરરોજ તેની માવજતમાં બે કલાક વિતાવે છે. તેને દાંતીયાથી ઓળીને માલિશ કરે છે. તેમાં ઘણો સમય લાગે છે.

તે તેમની મૂંછોને હમેશાં કપડામાં બાંધીને રાખે છે. જો ક્યારેય ખુલી જાય તો તેમની મૂંછો તેમનાં માટે આફત બની જાય છે. રામ સિંહ ચૌહાણ તેમની લાંબી મૂંછોને કારણે દેશ-વિદેશમાં ઘણું નામ કમાઇ ચુક્યા છે. આ સાથે જ તે રાજસ્થાન પર્યટન વિભાગનાં 30 વર્ષ સુધી બ્રાન્ડ એમ્બેસેડર પણ રહી ચુક્યા છે.