OMG! બ્રશ કરતા સમયે અચાનક ટૂથબ્રશ ગળી ગયો યુવક, x-rayમાં પણ ન જોવા મળ્યું ટૂથબ્રશ

ઔરંગાબાદઃ ટૂથબ્રશ તમે રોજ કરો છો પરંતુ જરા વિચારો કે ટૂથબ્રશ (Toothbrush) સીધું જ પેટમાં જતું રહે તો શું થાય. જોકે, તમને એવું લાગે કે આવું શક્ય નથી. પરંતુ ચોંકાવનારી ઘટના ઔરંગાબાદ સરકારી મેડિકલ કોલેજમાં (Aurangabad Government Medical College) સામે આવી છે. એક વ્યક્તિ બ્રશ કરતા સમયે ટૂથબ્રશ ગળી ગયો હતો. ત્યારબાદ તેની હાલત ગંભીર થઈ ગઈ હતી. જોકે, ઓપરેશન બાદ તેની તબીયત સ્થિર થઈ હતી.

મળતી માહિતી પ્રમાણે વિજય જનાર્ધન જાધવ નામનો યુવક 26 ડિસેમ્બરે સવારે બ્રસ કરતા સમયે મોંઢું ઉપર કર્યું તો આ દરમિયાન આખો ટૂથબ્રશ તેના પેટમાં જતો રહ્યો હતો. ત્યારબાદ તેના પેટમાં જોરદાર દુઃખાવો ઉપડ્યો હતો. અને તેને હોસ્પિટલમાં દાખલ કર્યો હતો.

મીડિયા રિપોર્ટ પ્રમાણે ડોક્ટરોએ એક્સરે કરાવ્યો પરંતુ તેના પેટમાં બ્રેશ જોવા મળ્યો નહીં. ત્યારબાદ તેનું સીટીસ્કેન કરાવ્યું હતું. જેમાં તેના પેટમાં બ્રશ ફંસાયેલો દેખાયો હતો.

સીટીસ્કેન રીપોર્ટ આવ્યાબાદ 8 ડોક્ટરોની એક ટીમે તેની સર્જરી કરીને ટૂથબ્રશને પેટમાંથી બહાર કઢાયો હતો. ત્યારબાદ વિજય જનાર્ધન હવે ઠીક છે અને ડોક્ટરોના ઓબ્ઝર્વેશનમાં છે. વિજય જનાર્ધન જાધવનું કહેવું છે કે ડોક્ટરોના કારણે તેને બીજી જીંદગી મળી છે. હવે તે પહેલા કરતા સારું મહેસૂસ કરે છે.

ડોક્ટરોના જણાવ્યા પ્રમાણે વિજય જનાર્ધન જાધવ હવે સંપૂર્ણ પણે સાજો થયો છે. તેના પેટમાં ફંસાયેલું ટૂથબ્રશ કાઢવામાં આવ્યું છે. અને ગભરાવવાની કોઈ વાત નથી. (તમામ તસવીરો એશિયા નેટ ન્યૂઝ)