આ બાળકની કળાને સલામ... આ ગુચળું વળેલા બાળકને જોઈને તમે પણ ગોથે ચડી જશો

Rinku Thakor, Mehsana: હવે દેશમાં બાળકોથી લઈને વૃદ્ધો સુધીના લોકો સ્પોર્ટ્સમાં કારકિર્દી બનાવી રહ્યા છે. આ ઉપરાંત, યોગાને લઈને પણ ભરતમાંથી અનેક લોકો વિદેશોમાં જતા હોય છે. ત્યારે યોગને કારણે ભારતનું નામ પણ રોશન થઈ રહ્યું છે. આવી જ રીતે, મહેસાણાનો 9 વર્ષનો મિમ પટેલે પણ પરિવાર અને અમદાવાદનું નામ રોશન કર્યું છે.

મહેસાણા જીલ્લાના વિસનગરના દેણપ ગામનો મહિમ પટેલે તાજેતરમાં ગુજરાત સ્ટેટ યોગ બોર્ડ અમદાવાદ ખાતે યોજાયેલી મ્યુનિસિપલ કોર્પોરેશન લેવલની સ્પર્ધામાં અમદાવાદ જીલ્લાનું પ્રતિનિધીત્વ કરીને ગોલ્ડ મેડલ પ્રાપ્ત કર્યું હતું.

અમદાવાદ ખાતે યોજાયેલી આ સ્પર્ધામાં પાંચ જીલ્લાના સ્પર્ધકોએ ભાગ લીધો હતો, જેમાં મહિમે પ્રથમ ક્રમ મેળવ્યો હતો.

જણાવી દઈએ કે, વિસનગરનો મહિમ પટેલ હાલ 9 વર્ષનો છે અને તે ચોથા ધોરણમાં અભ્યાસ કરે છે. પિતાનો કારોબાર અમદાવાદમાં હોવાથી હાલ તે અમદાવાદમાં જ રહે છે અને અભ્યાસની સાથે સાથે યોગની પ્રેક્ટિસ પણ કરે છે.

તેમના પરિવારે જણાવ્યું કે, મહિમે 1 વર્ષની ઉંમરથી જ માતા પિતાની મદદથી યોગ કરવાનું શરૂ કર્યું હતું. તેમને યોગનો એટલો શોખ હતો કે, તેમણે ત્યારથી લઈને આજ દિન સુધી યોગમાં આગળ વધતો રહ્યો છે.

આથી, જ તેણે અમદાવાદમાં જીલ્લા લેવલની સ્પર્ધામાં ગોલ્ડ મેડલ મેળવ્યો છે. આ ઉપરાંત, તેમણે બીજા પણ અનેક મેડલ્સ મેળવીને પોતાના પરિવારનું નામ રોશન કર્યું છે.

જણાવી દઈએ કે, માતા-પિતાએ નેશનલ ખેલાડી તેમજ કોચની સલાહથી મહિમને ઘરે જ યોગની તાલિમ આપવાની શરૂઆત કરી હતી. તેમના માતાએ કહ્યું કે, મહિમે 6 મહિના સતત 7 કલાક પ્રેક્ટિસ કરી રાજ્ય કક્ષાએ યોગમાં ગોલ્ડ મેડલ મેળવ્યો હતો.

મહિમના પિતા સાથે વાત કરતા તેમણે કહ્યું કે, એ પોતાના બાળકને યોગમાં આંતરરાષ્ટ્રીય કક્ષાએ જોવા માંગી રહ્યા છે. આ ઉપરાંત તેમણે કહ્યું કે, તે પોતાના ગામ તેમજ દેશનું નામ રોશન કરે એવી ઈચ્છા છે.