લાલ ગ્રહ જેવી માટીમાં ટમેટા ઉગાડયા, Heinz કંપનીએ તૈયાર કયું માર્સ એડિશન કેચઅપ!

અમેરિકી ફૂડ કંપની હાઇન્ઝ (Heinz)એ પોતાના ફેમસ કેચઅપ (Heinz Ketchup)ના એક વર્ઝનને મંગળ ગ્રહ (Mars) જેવી માટીમાં ઉગેલા ટમેટાથી (Tomatoes) તૈયાર કર્યો છે. આ પ્રયોગ મંગળ ગ્રહ પર માનવ અસ્તિત્વ અંગેના પ્રયત્નો હેઠળ કરવામાં આવ્યો છે. પૃથ્વી પર જોવા મળતી માટીથી વિપરીત, મંગળની જમીન પાક માટે વધુ સખત છે. (Image- AP)

મંગળ ગ્રહની માટીને માર્ટિયન રેજોલિથ તરીકે ઓળખવામાં આવે છે. મંગળ ગ્રહની માટીમાં કાર્બનિક પદાર્થો હાજર નથી. આ ઉપરાંત મંગળ ગ્રહ પર સૂર્યપ્રકાશ પણ ઓછો પહોંચે છે. આ કારણે ટમેટા ઉગાડવાની ટીમે તેને ઉગાડવા માટે નવી તકનીકો શોધી કાઢી. (Image- AP)

એક દિવસ મંગળ ગ્રહ પર માનવીએ પોતાનો પાક જાતે જ ઉગાડવો પડશે. એવામાં આ દિશામાં કામ કરનારી ટીમે મંગળ ગ્રહ જેવા ગ્રીનહાઉસ વાળા વાતાવરણને બનાવ્યું અને મંગળ ગ્રહ જેવી માટીનો ઉપયોગ કર્યો. તેમણે એમાં ટમેટા ઉગાડયા અને પછી હાઇન્ઝે તેને કેચઅપમાં બદલી નાખ્યું. (Image- AP)

આ ટમેટા તૈયાર કરનારી ટીમનું કહેવું છે કે, પૃથ્વી પર વાતાવરણમાં બદલાવના કારણે પાક ઉગાડવો મુશ્કેલ બની રહ્યો છે.એટલે પૃથ્વી પર આ રીતે પાક ઉગાડી શકાય છે. નાસાના ભૂતપૂર્વ અવકાશયાત્રી માઇક મેસિમિનોએ જણાવ્યું કે ઘરથી બહુ દૂર હોવા પર પરિચિત સ્વાદ હોવો એ દરેકની ભલાઈ અને મનોબળ માટે જરૂરી છે. (Image- AP)

હાઇન્ઝ (Heinz Ketchup)એ આ ટમેટાથી ‘માર્સ એડિશન’ (Mars)વાળું કેચઅપ તૈયાર કર્યું છે. કંપનીનું કહેવું છે કે આ કેચઅપનો સ્વાદ નોર્મલ વર્ઝન કરતાં અલગ છે. હાઇન્ઝે માર્સ વર્ઝન કેચઅપની બોટલને અંતરિક્ષમાં પણ મૂકી, જ્યાં આ બોટલ -94 ડિગ્રી તાપમાન પર રહી. ત્યારબાદ એ ધરતી પર પાછી ફરી. (Image- AP)

ટોમેટો માસ્ટર્સે મંગળ પર ભવિષ્યમાં જાનારા લોકો ગ્રહની જમીનમાં ટમેટાં ઉગાડીને કેચઅપ બનાવી શકે છે કે કેમ તે શોધવા માટે આ મિશન શરૂ કર્યું. આ માટે શ્રેષ્ઠ બિયારણ લેવામાં આવ્યું અને પાક ઉગાડવા માટે વિશ્વ કક્ષાની ટેક્નોલોજીનો ઉપયોગ કરવામાં આવ્યો. (Image- AP)