પત્નીએ જે પતિને છોડીને કર્યા બીજા લગ્ન, પરિવાર વધારવા માટે પત્નીએ પૂર્વ પતિ પાસેથી જ લીધા સ્પર્મ

આ કોઇ સામાન્ય પરિવાર નથી. તેના જીવનમાં જે ત્રણ મહિલાઓ છે તેમાંથી એક તેની પૂર્વ પત્ની છે, એક વર્તમાન પત્ની છે તો ત્રીજી તેના પૂર્વ પત્નીની ગર્લફ્રેન્ડ છે. આ ચારેય મળીને એક પરિવાર બની ચૂક્યા છે અને બધા એક સાથે રહે છે. જોશ રપ્પાહને (Josh Rappahahn)પોતાની વર્તમાન પત્ની સાથે મળીને પરિવાર વધાર્યો છે. તેની પૂર્વ પત્નીએ પોતાની ગર્લફ્રેન્ડ સાથે પરિવાર વધારવા માટે પોતાના પતિ પાસે સ્મર્પ (sperm)લીધા છે.

જોશ રપ્પાહનના લગ્ન જેનિફર વાજક્વેજ સાથે થયા હતા. જોકે જેનિફર સમલૈંગિક હતી જેથી તેણે પોતાના પતિને તલાક આપી દીધા અને પોતાની ગર્લફ્રેન્ડ સાથે લગ્ન કરી લીધા હતા. જ્યારે આ લેસ્બિયન કપલે પરિવાર વધારવા માટે પોતાના પૂર્વ પતિ જોશની મદદ લીધી છે.

જોશ અને જેનિફરના લગ્ન દરમિયાન તેમને 11 વર્ષનો પુત્ર પણ છે. જ્યારે લેસ્બિયન પત્ની સાથે તેના છૂટાછેડા થયા તો જોશે 31 વર્ષની ડેનિયન સાથે લગ્ન કર્યા હતા. આ લગ્ન દરમિયાન તેમને એક 5 વર્ષની પુત્રી છે.

બીજી તરફ જોશની પૂર્વ પત્નીએ 30 વર્ષની પોતાની ગર્લફ્રેન્ડ ચેનટેલ સાથે લગ્ન કર્યા હતા. જ્યારે આ કપલે પરિવાર વધારવાનો વિચાર કર્યો તો જેનિફરે તેના પૂર્વ પતિ જોશ સાથે વાતચીત કરી હતી અને તેની પાસેથી સ્મર્પ લીધા હતા. આ પછી તેની ગર્લફ્રેન્ડ તેના પૂર્વ પતિના સ્મર્થથી માતા બની હતી. આ વર્ષે તેણે બાળકને જન્મ આપ્યો છે.

આ અનોખા સંબંધ અને અજીબ પરિવાર લોકો સામે ટીવી શો 'You Me and My Ex'દ્વારા આવ્યો હતો. તેના એક એપિસોડમાં પરિવારના બધા સભ્યો આવ્યા અને તેમણે પોતાના અનુભવ શેર કર્યા હતા. જોશ પોતાના જીવનમાં આવેલી ત્રણ મહિલાઓ સાથે બેસેલો હતો. ખાસ વાત એ છે કે આ બધા એક સાથે એક ઘરમાં રહી રહ્યા છે

જોશની પૂર્વ પત્નીનું કહેવું છે કે નિશ્ચિત રીતે તે ત્રણેય બહેનો નથી પણ તેમનો સંબંધ છે. કારણ કે તેના પૂર્વ પતિના સ્પર્મ તેની પત્નીમાં છે. જ્યારે જોશે કહ્યું હતું કે છૂટાછેડા પછી એકબીજાથી નફરત કરવાની જરૂર નથી. ખાસ કરીને ત્યારે જ્યારે તેમાં બાળકો પણ સામેલ હોય.